"Babiloniako loreak obrarekin ari gara, baina apirilean emango diogu finikitoa. Formatu handiko obrak dira, katxe handikoak, eta nekez saltzen dira, krisialdian are gutxiago. Gero stanby-n geratuko da dena, sorkuntza krisian bainago. Hori bai, gauza bat argi daukat: antzerkia euskaraz egin nahi dudala, Euskal Herria dela nire lan-eremua. Antzerkiolan ikasi dugu talde bat eramatea zein zaila den, eta betiko molde teatraletatik kanpo bazabiltza are gaitzagoa da. Gure pertsonaiak marginalak eta bitxiak, groteskoak dira... Talde moduan ez dugu asmatu, Euskal Herrian produktu bakar baten kontura bizi ahal izatea zaila delako. Sare bat badago, baina sare horren funtzionamendua ez da oso aproposa konpainia handi batentzat".