Ardoak, baratzezainak, esnekiak, eztia eta haragia dira, besteak beste, telefono aplikazio berri honetan aurki daitezkeen produktu-motak. Bertan, beren produktuak kontsumituko dituztenei zuzenean saltzen dizkieten Nafarroako ekoizleen informazioa erakusten da.
Nafarroako Gobernuko Landa Garapen eta Ingurumen Departamentuari atxikitako INTIA sozietate publikoak aurkeztu du ostegun honetan, Nekazaritzako Ustiategiak Kudeatzeko 2. Jardunaldietan.
Gaur egungo COVID-19ko garaian, berpiztu egin da lehen sektoreari eta tokiko kontsumoari balioa emateko beharra, eta aplikazioa Nafarroako nekazarien zuzeneko salmenta sustatzeko abiarazi da.
Funtsean, INTIAtik diotenez, “aukera ematen du gizarteak eta nekazaritza-sektoreak elkar ezagutzeko, konfiantzazko harremanak sortzen ditu, ekonomia sozial eta solidarioa bermatu eta landa-eremuak bizirik mantendu”. Zuzeneko harreman honek errentagarritasuna hobetzen laguntzen dio ekoizleari, salmenta-marjina osorik jasoz.
Produktuak edo ekoizleen araberako iragazpena egiten du aplikazioak. Ustiategiei buruzko informazioa ere ematen du, esate baterako bisita daitezkeen ala ez.
Une honetan, Nafarroako 57 herritako 65 ustiategi baino gehiago daude erregistratuta aplikazioan: 28 esneki ustiategi, 10 haragi ustiategi, 9 ezti ustiategi, 7 baratzezain ustiategi, 5 ardo ustiategi eta hainbat olio, intxaur eta abarreko ustiategi. Era berean, 7 plataforma kolektibori buruzko informazioa sartu da, non hainbat ekoizle elkartu eta beren produktuak batera salgai jartzen dituzten.
Bere ustiategia edo produktuak aplikazioan jarri nahi dituenak INTIArekin harremanetan jar daiteke, honako helbidean: circuitoscortos@intiasa.es
Araba, Bizkaia eta Gipuzkoako liburutegietan 2,7 milioi mailegu egin ziren 2023an, 2018an baino 100.000 inguru gehiago.
Erdizko meategiaren kontrako plataforma herritarrak aldarrikapen eta besta eguna antolatu du joan den larunbatean Elizondon. Heldu diren asteetan epaiketa ukanen dute Magnesitas Navarra enpresaren kontra. Hain zuzen, auziak eraginen dituen gastuei buru egiteko sustengu... [+]
TikTok eta BeReal dira azken urteotan gehien hazi diren sare sozialak. Gazteen artean, %40ak esan du euskara ere erabiltzen duela. Gaztelania 97,9ak erabiltzen du, eta ingelesa %62,4ak. Datuok Gazteen Euskal Behatokiak egindako Gazteak eta sare sozialak. Euskadiko gazteen... [+]
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.