Bultza kazetaritza independentea
Santa Graziko gazteek jakinarazi dute datorren urtean ez dutela maskaradarik egingo. Gamere-Zihigako herritarrek azaroan maskarada prestatzeari uko egin ostean, bazirudien Santa Graziko gazteek egingo zutela, baina atzera egin dute.
Azaldu dutenez beraietako batzuk ikasleak dira eta, tartean azterketak dituztenez, maskaradarik ez egitea erabaki dute.
Astelehena 19
Kazeta.info-k zabaldu duenez, Santa Grazik hartu du heldu den urteko maskaradak emateko erantzukizuna, gamere-zihigatarrek azaroan uko egin ostean.
Herrian izandako gerkatari tragiko batengatik deliberatu zuten Gamere-Zihigakoek 2012an maskaradarik ez eskaintzea; 2013.ean egingo dute, erabaki harekin batera jakinarazi zutenez. Urtarrilera bitarte hain tarte estua izanik, bazirudien maskaradarik gabe geratuko zela Zuberoan 2012an, denbora luzea behar izaten baita dantzari eta antzezleak era egokian prestatzeko. Azken unean, baina, Santa Grazik hartu du lekukoa; 2011ko maskaradak ematen zituen herri berak, alegia.
Santagraztarren erabakiak ukitu gozoa emango dio Zuberoan oso zapore garratza izan den urte beltz honi. Eta, bitxia bada ere, baliogabetu egingo ditu urtarrila aldean Santa-Grazi elkarteko buru Laurent Chübürük esandako hitzak: "Aurten izan daiteke Santa Grazik maskaradak ematen dituen azken aldia, euskararen gainbehera dela eta". Ezbehar batek errepikatzeko aukera eman die orain, ezbehar batek 2011ko egitaraua osorik burutzen utzi ez zien manera berean. Gamere-Zihigan bezala, maskaradako zenbait parte-hartzailerekin harreman estua zeukan pertsona baten heriotza tragikoak behartu zituen Santa Grazikoak beren azken emanaldiak bertan behera uztera.
Nazio Batuen Ingurumen Programak (UNEP, ingelesezko sigletan) berrikitan plazaratutako txosten batek dioenez, superbakterioen agertze, kutsatze eta hedatzeari hesia jarri ahal izateko derrigorrezkoa da murriztea farma-industriak, laborantza industrialak eta osasungintzak sortzen... [+]
Euskal Herria okupatzen dituzten bi estatuetako metropolietan politika instituzionalaren aurpegirik gordinena erakutsi digute egunotan. Madrilen, Espainiako “ezkerreko” Gobernuak, bere hitza jan du eta ez dute Mozal Legea indargabetuko. Oposizioan zeudenean, PSOE... [+]
Eskarmentu handiko fotokazetaria da Gervasio Sánchez (Córdoba, Andaluzia, 1959). Aragoin bizi da, Zaragozan, baina munduko gatazka eta gerra-eremuak bisitatu eta bertatik informatzen du oso maiz. Heraldo de Aragón tokiko egunkariarentzat beti, eta audientzia... [+]
Zirkuan eta dantzan trebatu da Maitane Azpiroz La Trapecionista dantzaria eta trapezista (Iruñea, 1982). Zamaren ideiatik tiraka Artxipielago obra sortzen ari zelarik, haurdun geratu eta beste kide bati pasa behar izan zion lekukoa. Orain ez du antzezlanean antzezten,... [+]
