Plentzia-Gorlizko Danontzat gaztetxea hustu dute

  • Barikuan, auzolana deituta zuten Plentzia-Gorlizko Danontzat gaztetxeko kideek, "tokiko hesiak erorita zeudela aprobetxatuta". Azaldu dutenez, Arpillaoko eraikinaren egoera teknikoak konponbideak izan ditzake, "baina arrazoi politikoengatik Plentziako Udalak ez du gurekin elkartu nahi". Horren aurrean, Elixabete Uribarri alkateari exijitu gura izan diote "aurpegia emateko" eta eurakaz batzeko, "azken bi urteotan eskatu izan diogun bezala".


2022ko urriaren 24an - 16:18
Argazkia: Danontzat gaztetxea

Bi urte igaro dira Plentziako Udalak Arpillaoko lokalak eta eraikina behin betiko itxi  zituenetik. Barikuan, baina, udal-langileak tailer bat muntatu zuten lokaletako batean, eta Danontzat gaztetxeko kideek auzolana deitu zuten gunea txukuntzeko eta tokia berreskuratzeko. Hala ere, Udaltzaingoa eta Ertzaintza lekura bertaratu, batutako lagunak identifikatu eta gune autogestionatuaren sarraila aldatu zuten.

"Poliziei azalpenak eman genizkien, esanez arkitekto baten txostena aurkeztu genuela eta Udalarekin negoziaketak nahi genituela bertan egoteko. Udaltzainei ez zitzaien argudio horiek inporta, eta esan zuten ez zegoela arrazoi teknikorik bertan ez egoteko, arrazoiak politikoak zirela onartuta", deitoratu dute gaztetxeko kideek.

Bi urteotan, Danontzat gaztetxekoek salatu dute ez dutela Udalaren erantzunik eta alternatibarik jaso. Denbora horretan, azaldu dute behin baino gehiagotan alkateagaz batzeko bilera-eskaerak egin dituztela, baita arkitekto baten txostena aurkeztu ere. "Udaletxean dago orain urtebete baino gehiago, baina ez dugu erantzunik jaso. Uste dugu beharrezkoa dela espazio hori, eta auzolana deitu genuen hori berreskuratu eta txukuntzeko".

 

Arrastiko 17:00etarako zuten deituta gazteek auzolana, eta, gogoratu dutenez, goizean Arpillaoko lokaletako batean udal-langileak egon ziren lanean, "tailer moduko bat" muntatuta. Horren aurrean, kaleratutakoek zalantzan jarri dute berriro ere eraikinaren egoera: "Nola da posible horiek bertan egotea inolako arazorik gabe eta gu ez? Eraisteko egoeran badago, agintariei ez zaie euren langileen osasuna inporta, ala egoera ez da hain larria?".

Horren aurrean, auzolanari ekiteko deialdia zabaldu eta bertara agertu ziren hainbat kide. Hala ere, gutxira udaltzainak agertu ziren "Elixabeteren agindu zuzenari erantzunez". Batutako gazteek uko egin zioten alde egiteari, eta, ondorioz, Ertzaintza deitu zuten; "bost furgoneta etorri ziren, ordubetez erretenitu gintuzten gaztetxearen barruan, eta bertan geunden bost kideak identifikatu gintuzten". Ondoren, sarrailari batek gaztetxearen ateko sarraila aldatu zuen.

Ertzaintzak desobedientzia larria egotzi die identifikatutako bost kideei, eta gaztetxekoak zain daude ea Plentziako Udalak salaketarik jarriko duen jakiteko.

Barikuan gertatutakoaren ondoren, gaztetxeko kideek aldarrikatu dute gune autogestionatu hori "herriaren espazio" bat dela, eta eskubide osoa dutela bertan egoteko. Izan ere, diotenez, eraikinaren egoera teknikoak konponbideak izan ditzake, baina bertan ez egoteko arrazoiak politikoak direla deitoratu dute, "eta horregatik Udalak ez du gurekin elkartu nahi".


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude