Igor Otxoa eta Harkaitz Martinez txalapartarien Nomadak TX filmak bigarren saria irabazi du Herbehereetako IDFA zinemaldian. Jaialdi hori Cannesko zinema jaialdia bezain garrantzitsua da dokumentalen esparruan. Nomadak TXek Michael Moore zinemagile estatubatuarraren Bowling for Columbine eta Asier Leth-en Ghosts of Cite Soleil filmak baino boto gehiago jaso ditu. Filmak hamar sari baino gehiago lortu ditu dagoeneko, gehienak nazioarteko jaialdietan. Aurten, besteak beste, Belfasteko zinema jaialdian dokumental onenaren Maysles Brothers saria eta AEBetako Silverdocs zinemaldiko musika dokumentalik onenaren saria eskuratu ditu.