"Morian milaka pertsona eskubide gabeko leku batean bizi daitezen utzi dute"
Grezian Moriako errefuxiatu kanpamentuan izandako sutearen ondorioz sortutako egoera aztertu eta salatu dute Ongi Etorri Errefuxiatuak eta Mugak Zabalduz kolektiboek ondoko idazkian. Larunbat eguerdirako, halaber, mobilizazioak deitu dituzte Hego Euskal Herriko hiriburuetan.Ondorengo testuan irakurri daiteke suteaz eta errefuxiatuen egoeraz egin duten azterketa.
"Europako migratzaileen eta errefuxiatuen eremurik handiena da, Lesbosen (Grezia). 3.000 pertsona hartzeko diseinatuta zegoen, eta, sutea baino lehen, 13.000 pertsona bizi ziren bertan, pilatuta eta baldintza negargarrietan , lau urtetik hona!, Europako hainbat herrialdetan birkokatuak izateko zain.
Egoera jasanezina zen: komun bat 160 pertsonarentzat, dutxa bat 500 pertsonarentzat, 400 adingabe baino gehiago bakarrik, higiene, elikadura, psikologia eta lege baldintzarik gabe, Coronavirusagatik erabat itxita… Hala salatu dugu askotan hainbat erakundek. Baina Europar Batasunak eta hura osatzen duten gobernuek entzungor egiten diete justizia-eskaera horiei.
Kiskalita gelditu da Moria. Greziako Gobernuak larrialdi egoera ezarri du eta uhartetik irtetea debekatu die pertsona guztiei. Beste behin ere, mehatxutzat jotzen dituzte migratzaileak; izan ere, Morian gertatu denaren erantzuleak klase politikoa eta haren migrazio-politikak dira. Haiek utzi dute urtetan beren etxeetatik asilo bila ihes egin duten milaka emakume, haur eta gizon eskubide gabeko leku batean bizi daitezen, giza duintasunaren muga guztiak gaindituz.
Zoritxarrez, Europan eskubiderik gabeko leku asko daude, Moriako gunea bezalakoak. Muga gehienetan, adibidez, egunero zigorgabetasunez urratzen dira "delitu" bakarra gerratik, salerosketatik, indarkeriatik, gosetik, miseriatik, lehortetik... ihes egiten duten pertsonen giza eskubideak. Europako herrialdeek, askotan migrazioak eragiten dituzten egoera horien eragile direnek, pertsona horien eskubideak errespetatu behar dituzte, beren migrazio-prozesuak bermeekin erraztu, 2017an bete ez ziren konpromisoak gogoratu eta Moriako biktima guztiak baldintza duinetan birkokatu".
Mobilizazioak honako lekuetan izango dira larunbat honetan 12:00etan: Bilbon Arriaga plazan, Donostian Bulebarrean, Gasteizen Andre Mari zuriaren plazan eta Iruñean Gazteluko plazan.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]