Marokoko armada Sahararen hegoaldean sartu da gerra arriskua handituz
Duela hiru aste baino gehiago han dira ehunka saharar herritar, Maroko eta Mauritaniaren arteko sarbide komertzial bakarra blokeatzen. Fronte Polisariok nazioarteko eragileen arreta deitu nahi izan du modu horretan, salatuz NBEko misioa –Minurso– han dela 1991tik, baina honek ez duela autodeterminazio erreferenduma antolatzeko urratsik egin.
Polisarioaren ustez, Maroko korridore horren legez kanpoko erabilera egiten ari da, 1991n sinatutako su-etenaren arabera, su-etena babesteko baino erabili behar ez litzatekeen eremua baita, eta ez Europara era guztietako merkantziak garraiatzen dituen pasagune gisa. Polisarioak adierazi duenez, ez da odol isuririk izan Guerguerateko errepide honetan, horrelakorik saihesteko berak atera dituelako handik bertan protestan ziren herritar sahararrak.
Iragan urriaren 30ean NBEko Segurtasun Kontseiluak Minursoren agintaldia berritu zuen, baina ebazpenaren testuan ez zuen erreferendum hitza aipatu ere egin, Rabat pozarren utziz, azken urteotan ohikoa den bezala. Fronte Polisario, ordea, oso haserre agertu da eta Segurtasun Kontseiluaren "ekintza ezak" bere borroka "areagotzeko" aukera baino ez diola uzten ohartarazi du. Efe agentziari bidalitako agirian jakinarazi duenez, dagoeneko hiru eremutan zulatu du Marokok eraikitako harresia, 220 kilometrorekin munduko luzeena.
Fronte Polisario aspaldi ari da esaten erreferendumaren antolaketan urratsik ez badago, gerra egoerara itzultzeko arriskua oso handia dela. Egunotan adierazi du Marokoko armada Saharako Errepublika Arabiar Demokratikoaren eremu askeetan sartzen bada, “tinkotasun handienarekin” erantzungo duela.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]