Maria del Pilar Hurtado Montaño giza eskubideen defendatzailea hil dute Kolonbian

  • Etxebizitza eskubidea defendatzeagatik mehatxuak jasoak zituen. Ostiralean hil zuten tiroz, Tierraltan (Kolonbia).


2019ko ekainaren 25an - 13:10

Ekainaren 21ean hil zuten tiroz Maria del Pilar Hurtado Montaño Tierraltan, bere lau seme-alabetako biren aurrean. 34 urte zituen.

Hurtado giza eskubideen defendatzailea zen, eta etxebizitza duin bat izateko eskubideagatik borrokan ekintzailea. Etxebizitzaz hornitzeko, erabileraz kanpo zegoen Tierraltako lur zati batean bizilekuak eraiki zituen, beste familia batzuekin batera. Andrés Chica giza eskubideen defendatzaileak BBCri jakinarazi dionez, eremu hori Tierraltako alkatearen aitaren jabetzakoa da, eta Hurtado hasieratik izan zen lurren kontsezioa lortu nahirik negoziaketa saiakeretan aritutako norbanakoetako bat.

Ekainean AGCk (Kolonbiako Autodefentsa Gaitanista) publiko egindako idatzi batean hainbat pertsona mehatxatu zituzten, Hurtado tartean. Idatziaren bidez ekainaren 1era arteko epea ematen zieten lur eremuan finkatutako pertsonei, bertatik alde egiteko. Ordutik aurrera bertan aurkitzen zuten edozein “jo puntu militar” izango zela adierazten zen.

Chicaren hitzetan, Hurtado “ez zen inongo sindikatu edo antolakundeko parte, baina bai komunitateko liderra eta lur eremuan finkatutakoen izenean hitz egiten zuen negoziatzailea”.

INDEPAZen (Garapenerako eta Bakerako Ikerketen Institutua) arabera, 2016tik 1019ko maiatzera bitartean, 702 lider sozial eta giza eskubideen defendatzaile hil dituzte Kolonbian.


Azkenak
Gazako sarraskia arbuiatzen ez duten unibertsitate israeldarrekin harremanak eten ditu NUPek

Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]


Irati Mogollon
"Aurreikuspen onenetan, gazteen kopurua bikoiztuko dute nagusiek eta kasurik okerrenean boskoiztu. Zaintzari buruz hausnartu behar dugu"

Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.


2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


Palestinako Estatua errekonozituko dutela iragarri dute Espainiako Estatuak, Norvegiak eta Irlandak

Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.


Eguneraketa berriak daude