Maravillaseko kideek gaztetxea ez husteko eta bost kideei akusazioa kentzeko eskatu dute
Asteartean egindako agerraldian, Iruñeko Maravillaseko kideek nabarmendu dutenez, “beste auzo eredu baten alde” egiten du lan gaztetxeak.
Nafarroako Gobernuak aginduta, segurtasun arrazoiengatik huste arriskuan dago Iruñeako Maravillas gaztetxea. Hori dela eta, agerraldia egin dute gazteek asteartean. Gaztetxea ez husteko eta bost kideei akusazioa kentzeko eskatu diote Nafarroako Gobernuari.
Geroa Baik sustatu duen huste aginduak kalte egingo diola proiektu herritarrari, azaldu dute gazteek agerraldian. Gobernuarekin ere kritiko azaldu dira, “nahiz eta Geroa Bai aldaketa instituzionalaren parte izan, interes gutxi ditu komunean horren alde borrokatu zen jendearekin”.
Era berean, gaztetxeko kideek orain arte egindako lana azpimarratu dute eta adierazi dutenez, “auzolanen bitartez, gazteriak eta kolektiboak auzoarentzat espazioa txukuntzen joan dira proiektu ezberdinak eraikiz. Herri palestra, zinema herrikoia, jantoki soziala, taberna, liburutegia, euskaltegia, elkartasun elikagai bankua… horren fruitu izan dira. Maravillas esparru kolektiboa da, zeinetan edozein proiektuk bere jardun politikoa edota soziokulturala garatu dezakeen, murrizketarik gabe. Elkargune bat non gizarte eredu kapitalistari aurre egiteko edozein ekimen garatu daitekeen".
Nafarroan hiru gaztetxe berri sortu dira
Uda honetan, Burlatan, Lizarran eta Tafallan sortu dira gaztetxeak eta proiektuak hobeto ezagutzeko asmoz, gaztetxe hauetako kide batzuekin egon da Ahotsa.info
Hemen bideoa:
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Azken egunotan, Nafarroako Gobernuak Maravillas Gaztetxearen desalojo kautelarra eskatu zuenetik eta bereziki, operatiboaren prestaketa dela eta helikoptero bat Gaztetxea aztertzen aritzen denetik, Geroa Bai-ren aldetik botatako adierazpenek bultzatzen naute idaztera.
Udaberrian loraldia izatea ohikoena da, baina Nafarroan autogestioa oinarritzat hartzen duten proiektuak aurtengo udan loratu dira: Burlatan, Lizarran, eta Tafallan hiru gaztetxe berri sortu dira. Eta hauekin, aldaketa politikoa Nafarrora iritsi zenetik, zerrenda haunditzen doa: Arrotxapeako gaztetxea, Maravillas gaztetxea, Berriozarko Taupada gaztetxea, Lodosako Matadero gaztetxea, Mendillorriko Antzara proiektua, Plazara Iruñeko Alde Zaharreko gune komunitarioa...
Gune hauetan... [+]
Maria Solana Nafarroako gobernuko bozeramaileak adierazi du elkarrizketareko borondatea daukala Exekutiboak, baina, aldi berean, esan du hustea "eman daitekeela eta seguraski emanen dela", baina ez "pentsatzen den giroan".
Irunen pilatzen ari dira Hego Euskal Herritik Ipar Euskal Herrirako muga igaroz Frantziako Estatura joan nahi duten migranteak. Azken asteetan Hendaiara pasatzen direnen kopurua jaitsi egin bada ere, Bidasoaren alde batetik bestera igarotzen diren pertsonen mugimenduak etengabekoak dira. Asko ordea, bitartean, non jan eta non egon lekurik gabe geratzen dira. Migranteei laguntzen ari diren hainbat elkarterekin batera, Irungo Lakaxita gaztetxeko kideek aterbea eman diete.
"Euskal Herriko zinema aretorik txikienaren" aurrestreinaldia uztailaren 20an egingo du Dynamo zineklubak Eyharts taldearen ikuskizun batekin; Novedades aretoko 18 aulki, oihal originala eta beste zenbait apaindura ditu, zinema areto baten kutsua emateko.
Orain dela bi aste inguru okupatu zuten hutsik zegoen eraikin bat Bilboko Irala auzoko gazte asanbladako kideek. Ostegun goizean, ordea, Udaltzaingoa lokalaren jabearekin agertu eta desalojatu egin dituztela jakinarazi dute gazteek.
Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.
Pasa den maiatzaren 9an Diario de Navarra egunkarian Iruñeko gaztetxeetako batek, Errotxapea auzokoak, orrialde oso bat hartu zuen: “Vómitos, ruidos y hurtos, el colmo vecinal por el gaztetxe”.
Artikulua irakurtzen hasi eta auzokideak ez dira antolatu, ez da inolako prentsaurreko edo adierazpenik egon, ez istilurik. Berri hau argitaratzeko ez dago motibazio agerikorik. Kazetaria auzora hurbildu eta galdera batzuk egin ditu. ... [+]
Sestaoko Udalak plan estrategiko berria du esku artean datozen urteetarako. Herritarrekin eginiko lehen bilera irekian Sestaoko Txirbilenea kulturguneko kideek gune autogestionatua kinka larrian egon daitekeela salatu dute. Udalaren ustez, hainbat kolektibok erabiltzen dituzten espazioak “ahultasun” guneak izan daitezkeelako. Kultuguneko kideak interpelatuta sentitu dira Udalak esandakoarekin eta “eurena dena” aldarrikatu dutela nabarmendu dute. Parte-hartze... [+]
Maiatzaren 12an aurkeztu zuten Gasteizko Gaztetxearen 30 urteko bizitza jasotzen duen liburua, Gaztetxean bertan. Hemen duzue kronika.
