2018an Lurzaindiak salatu zuen Arbonako herriko etxeak laborantzarako lurrak merkatuko prezioa baino 50 aldiz garestiago erosi zituela eta hori etxebizitzak eraikitzeko. Laborantza kaltetzea eta espekulazioaren alde egin izana salatu zuten orduan, esku orri bidez. Hori ez zuen onartu Marie-Josee Mielocq Arbonako auzapezak eta difamazioa leporatu zion elkarteari. Azaroaren 10 honetan 14:00tan dute epaiketa Baionako auzitegian, eta Dominique Amestoi Lurzaindia elkarteko presidentea egonen da auziperaturik.

1,5 hektarea 500.000 eurotan eta 50.000 agentziarako gastu gisa, hots, hektarea bat 333.330 eurotan erosi zituen udalak; lur horien balioa hektareako 7.000 euro ingurukoa zenean.Esku orria izenpetu zuten beste bi kolektiboen kontrako salaketarik ez zuen jarri eta Lurzaindiaren ustez, horrek islatzen du "laborantzarako lurraren zaintza lana eramaten duen erakundea beldurrarazteko helburua duela ekintza honek”. Alta, Lurzaindiak argi utzi du berean segituko duela, laborarien alde eta espekulazioaren kontra lanean.