Joan den ostegunean unibertsitaterako kimikako sarbide proba egin zutenek haserrea azaldu dute enuntziatuetako bat okerra zelako, gaztelaniatik euskarara gaizki itzulia. Ikasle, irakasle eta zentroek, EHUn gertatutakoa salatzeaz gain, proba errepikatzeko eskatu dute.

Euskarazko galderan 'iodo molekularra' 'ioduro potasikoa'-rekin nahastu da, eta era honetan, eskatutako arazoa ezin zitekeen konpondu. "Hau gertatu da azterketa euskaraz ez dakien Kimikako irakasle batek prestatu duelako, eta itzulpena egin duena kimikaz ez dakien euskara teknikaria delako", salatzen zuen akatsa pairatu zuen ikasleetako batek.

Unibertsitateko arduradunei, “akatsa” egin izana aitortzen badute ere, ez zaie iruditzen azterketa berriz egiteko nahikoa arrazoi denik eta lehendik zehaztutako epeetan bigarren zuzenketa eskatu beharko dutela diote. Medikuntza, Odontologia edo Fisioterapia ikasketak egin nahi dituztenak dira akatsa pairatu duten ikasleetako asko.

Arazoa:

Gazteleraz: El tetraoxomanganato (VII) de potasio (permanganato de potasio) en medio ácido sulfúrico transforma el ioduro de potasio en yodo molecular a la vez que el primero se transforma en sulfato de manganeso (II) y se forma sulfato de potasio y agua.

Euskaraz: Azido sulfurikoz osasutako ingurune batean, potasio tetraoxomanganato (VII)ak (potasio permanganatoak) eta potasio iodurak erreakzionatzen dute; ondorioz, manganeso (II) sulfatoa, potasio ioduroa, potasio sulfatoa eta ura lortzen dira.