Juan Mari Aburto bere onetik atera du Deustuko Gazte Lokala ez ixteko gazte baten eskariak

  • Kalean topo egin eta Deustuko Gazte Lokala ez ixteko eskatu dio gazteak Bilboko alkateari. Eskaeraren aurrean haserretu egin da Aburto, eta honen bizkartzain batek identifikatu egin du gaztea.

ARGIA @argia
2019ko maiatzaren 24a
Gazte Lokalaren huste aginduaren aurrean egindako mobilizazioa (Argazkia: Ecuador Etxea)

Naiz-ek eman du gertaeraren berri. Identifikatua izan den gazteak hedabideari jakinarazi dionez, ostegunean jazo zen gertakaria. Bilboko Alde Zaharreko Unamuno plazako metro sarrerarantz zihoala, EAJren propaganda banatzera hurbildu zitzaion Aburto alkatea. Gazteak, baina, luzatzen zion propaganda orria hartzeko asmorik ez zuela jakinarazi zion, “beraiekin ados ez zegoelako”. Bide batez, husteko agindua indarrean duen Deustuko Gazte Lokala ez husteko eskatu zion. Gazteak jakinarazi duenez, eskari horren aurrean paperak galdu zituen alkateak, eta “leloa eta lotsabakoa” izatea aurpegiratu.

Eztabaida eman bezain pronto, trajez jantzitako gizon bat hurbildu zitzaion gazteari, eta identifikatu zedin eskatu. “Aburtoren bizkartzaina zela ondorioztatu nuen, eta identifikatu nintzen, ezer txarrik egin ez dudala ulertzen baitut”, adierazi dio Naiz-i. Antza denez, isuna jarriko ziotela esan zioten, eta Mozal Legea jarriko ote dioten arduratuta dago gaztea.

Naiz-ek jakinarazi du Aburtoren taldearekin kontaktuan jarri dela, eta hauek esandakoaren arabera ez dutela kontuaren inguruko deklaraziorik egiteko asmorik .

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: EAJ  |  Okupazioa  |  Bilbo

Azkenak
Azkenak
EGILEA
Eguneraketa berriak daude