Jean-Baptiste Coyos hizkuntzalari zuberotarra (Maule, 1952) euskaltzain oso izendatu zuen ostiralean Euskaltzaindiak. Jean Haritschelhar, Jean-Louis Davant, Txomin Peillen eta Andres Urrutia euskaltzain osoek proposatu zuten haren izena.

Bestalde, Eusko Jaurlaritzak eta Arabako, Bizkaiko eta Gipuzkoako Foru Aldundiek, batetik, eta Euskaltzaindiak, bestetik, lau urterako programa-kontratua sinatu dute. 2010ean, Jaurlaritzak eta Foru Aldundiek, guztira, 2.356.777 euro emango dizkiote Euskaltzaindiari.