ARGIA.eus

Itzulpen automatikoa / Machine translation

Itxialdian haurren ongizatea neurtzen duen tresna bat garatu du EHUko ikertzaile talde batek

  • Ikerketaren arabera EAEko haurrek ongizate maila "ertaina" izan dute itxialdi honetan, neskek mutilek baino hobeto igaro dute eta 12-14 urteko gazteek baino hobeto pasa dute adin txikienekoek.


2020ko urriaren 13an - 10:24

Bilboko Hezkuntza Fakultateko talde batek berrogeialdian zehar haurren ongizatea neurtzeko tresna bat garatu eta erabili du. Nahia Idoiaga, Naiara Berastegi, Mari Dosil, Amaia Eiguren, Naiara Ozamiz eta Maira Picaza izan dira EHUko ikerketaren arduradunak. Eta urriaren 12 honetan aurkeztu zituzte ikerketaren datuak:

Ikerketaren ondorio nagusiena haurren ongizatea "ertaina" izan dela. Errutinarekin lotutako alderdiek izan dute emaitza onenak. Bestetik, jarduera fisikoa, sormenezkoak eta ludikoak izan dira alderdi kaltetuenak. Emozioei dagokionez, akademikoan edo menpekotasunean ongizate maila ertaina izan da.

Horrez gain, neskek egoerara moldatzeko gaitasun handiagoa izan dute mutilek baino, honenbestez, emozio positiboagoak pairatu dituzte. "Gure azterlaneko neskek jarduera fisiko gehiago egin dute eta sormenezko jardueretan nahiz ludikoetan parte hartu dute. Horrek erakusten du konfinamendura egokitzeko gaitasun handiagoa eduki dutela, orokorrean", aitortu du Idoiagak, Naiz.eus komunikabidean irakurri daitekeenez.

Azterketa martxorik apirila bitartean egin zen. EAEko 1.064 haur izan ziren aztergai (%48,7 mutilak ziren, %51,3, berriz, neskak). Inkestak haien gurasoek erantzunak izan ziren. "Konfinamendu egoeran haurren ongizatea modu holistikoan neurtzeko tresna egokia da hau eta, etorkizunean berriro berdin bagaude, txikienek horren kalteak sufritu baino lehen, aurrea hartzen eta irtenbideak proposatzen lagundu diezaguke" Berastegik azaldu duenez.

Ikertzaileek eskerrak eman dizkiete azterketa egiteko beharrezkoak izan diren familiiei.

 

 


Azkenak
142 dira Espainian bizirik dirauten azken bisoi europarrak

Bisoi europarraren (Mustela lutreola) 142 ale baino ez dira bizi Espainian, eta, beraz, espeziearen egoera kritikoa da, Trantsizio Ekologikorako eta Erronka Demografikorako Ministerioaren (Miteco) datuen arabera.


2024-03-05 | Leire Artola Arin
Ertzaintzari erantzukizunak eskatu dizkiote eragile sozial eta politikoek, Martxoak 3ko erasoengatik

Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]


2024-03-05 | Jon Torner Zabala
Puntueus eta Iametzaren arteko aliantza, euskarazko digitalizazioa indartzea xede

Lankidetza-akordioa medio, Ni.eus e-posta zerbitzua eta Labur.eus url-laburtzailea berregituratuko dituzte Puntueus-ek eta Iametza-k. Azaldu dute domeinuen eta web-zerbitzarien sektorean "enpresa-kontzentrazioa" ematen ari dela, eta zailtasun gero eta gehiago dagoela... [+]


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


Eguneraketa berriak daude