Iruñeko Landabengo azoka irekiko dute datorren igandean 400 pertsonarentzat

  • Landabengo azoka igande honetan irekiko dute kondinamendu garaian itxita egon ondoren. Bere ohiko gaitasunaren %25arekin egingo du, hau da, 36 posturekin, guztiak elikadurakoak. Gunea mugatuta egongo da, eta sarbide puntu bat eta irteera puntu bat egongo dira poligonoko d kaletik.


2020ko maiatzaren 14an - 19:31

Edukiera 400 pertsonakoa izango da aldi berean, eta nahitaez maskara eraman beharko dute sarbideen kontrolean eta azoka txikian dauden bitartean. Seguruenik hau izango da, korobabirus garai honetan, orain arte gune zehatz batean aire librean Nafarroan egon den pertsona bilkurarik handiena

Azoka 09:00etatik 14:30era egongo da zabalik. Azoka txikiaren eremua perimetratu egin da, esparruaren edukiera kontrolatu ahal izateko. Sarrerako puntu bat egongo da d kaletik B kalearekiko bidegurutzean eta irteerako puntu bat d kaletik Lra. Udaltzaingoa kalearekiko bidegurutzean egongo da. Gune horretan etengabeko presentzia izango du eta kontrol iraunkorra egingo du 25 boluntarioren laguntzarekin.

Perimetroaren barruan dauden pertsona guztiek erabili beharko dute maskara, bezeroak, saltzaileak, poliziak edo boluntarioak izan. Barrutiko sarbidean maskarak banatuko dizkiete eramaten ez dituztenei, udalak jakitera eman duenez. Nafarroako azokarik handiena da, ohikoan igandero da zabalik eta elikagaiez gain, bestelako produktu ugari ere baditu.


Azkenak
2024-05-21 | ARGIA
Kanakyren alde, elkarretaratzea egingo dute Baionan

Kanakyko manifestariei elkartasuna adierazteko, EH Baik eta LAB sindikatuak deituta, elkarretaratzea egingo dute 19:00etan Baionako suprefetura aitzinean.


Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".


Eguneraketa berriak daude