"Nekatzen hasia naiz literaturaz baino gehiago Literatur sistemaz hitz egiten dutenekin. Literaturak ez baitaki konpromisoaz eta unean uneko eta tokian tokiko interes politikoez, literaturak ez baitaki liburu esportagarriez, literaturak ez baitaki ezer sari Regional zein Nazionalez. Ene uste harroan, hori ez da garrantzitsua. Ez behintzat obraren kalitatearentzat. Libururik onenak istripuak badira ere, Literatur Sistemak istripu gutxi onartzen du (Joseba Sarrionandiari emandako saria, salbuespen eta lekuko). Literatur Sistema, garrantzitsua izatekotan, eta bada garrantzitsua, obraren zabalkundearentzat eta idazlearen egoarentzat da". (2005eko ekaina, 51. zenb.)