Iñigo Urkullu “kezkatuta”, AHTk konexiorik ez duelako izango 2042 urtera arte

  • EAEko lehendakariak Kantabria, Asturias eta Galiziako presidenteak deitu ditu bilkura batera, besteak beste, egoera aztertzeko abiadura handiko trenak Hendaian oraingoz konexiorik izango ez duela-eta.

Iñigo Urkulluk orain agertu du "kezka" AHTren konexio faltagatik. Irudian, pasa den astean automozio instalakuntza batzuen inaugurazioan. Argazkia: Irekia.

2023ko martxoaren 13an - 11:57
Azken eguneraketa: 13:04

Kantauriko gailurra deitu diote astelehenen honetako EAEko, Asturiasko, Kantabriako eta Galiziako presidenteen arteko bilerari. Iñigo Urkulluk proposatuta bilduko dira, eta besteak beste, aztergai izango dute abiadura handiko trenaren eraikuntzan izaten ari diren atzerapen handiek izango duten eragina.

Bileraren helburua Espainiako Gobernuaren aurrean "batasun irudia" ematea da, lehendakaritzako iturriek azaldu dutenez. Bingen Zupiria Eusko Jaurlaritzako bozeramailearen esanetan, Urkulluk "kezkaz" jarraitzen du AHTren konexiorik ezaren gaia, eremu Atlantikoko lurraldeak "baztertuta" geratu daitezkeelako.

Frantziako Gobernuak pasa den urtarrilean jakinarazi zuen, txosten baten bidez, Akize eta Irun arteko ibilbidearen eraikuntza 2030. urtetik 2042.era atzeratuko duela. Haatik, Urkulluren exekutiboak bi hilabete geroago piztu ditu alarmak; AHTren obrak 2009an hasi ziren egiten Arabako Urbina herrian.

Ekopol EHUko ikerketa taldearen arabera, Bordeletik hegoaldera dagoen biztanleria dentsitate baxuak eta gaur egungo bidaiari eta merkantzia kopuruak ikusita, sinesgaitza da abiadura handiko trenbide bat ekonomikoki –are gutxiago sozialki– errentagarri izatea korridore Atlantikoan.

Erriberabeitiko herritarrak, alternatiba eske

Erriberabeitin elkarretaratzea egin dute hango herritarrek, Gasteiz eta Burgos arteko AHTren lanak esleitu direlako eta azpiegitura horrek kalte handiak ekarriko dizkielako herrian.

Erriberabeitiko herritarren elkarretaratzea egin dute, AHTren kontra eta trenbide sozial baten alde. Argazkia: Hala Bedi irratia.

Azaldu dutenez, Erriberabeitik jadanik autopista eta errepide ugari igarotzen dira, eta saturazio maila handia dute udalerrian. Hala, Arabako eta Nafarroako tren sozialaren aldeko plataformak egindako alternatibaren alde agertu dira, egungo trenbidea egokitu eta modernizatzea proposatzen baitu.

"Ez dugu nahi gure lurraldean beste orbain bat egoterik", azaldu dute, Hala Bedi irratiak jaso duenez.

 

 


Kanal honetatik interesatuko zaizu: Azpiegitura handiak
Argalarioko parke eolikoaren aurka agertu da Bizkaiko Foru Aldundia, ingurumenean eragingo lituzkeen kalte “kritikoengatik”

Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]


50.000 plakako zentral fotovoltaiko bat jartzeko proiektua aurkeztu dute Agurainen

Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Badago lotura Euskal Yaren eta AHTren artean Nafarroan

Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]


2025-03-28 | Irutxuloko Hitza
Metroaren lanetako gainkostua 33,3 milioi eurokoa dela adierazi du Eusko Jaurlaritzak

EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.


Atzera bota dute Zaragoza eta Araba arteko goi tentsioko linearen proiektua

Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]


AHTren atzerapena gaitzesteko gutuna bidali diote Europako Batzordeko Garraio Komisarioari Pradalesek eta Roussetek

EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]


Ekologismoaren kontrako oldarraldia AEBetan: Greenpeace 660 milioi euro ordaintzera zigortua

Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.


2025-03-20 | ARGIA
Arratzua-Ubarrundiako EH Bilduko zinegotziek dimititu egin dute, Solariaren proiektuarekin “eskuak lotuta” dituztelako

Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]


AHTaren zundaketen aurkako ia bi urteko borrokaren balantzea

Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]


Espainiako Sustapen Ministerioa: “Ez dakigu Ezkioko lotunea oso bideragarria den”

Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.


2025-03-04 | Irutxuloko Hitza
Donostiako metroaren lanetako gainkostua argitzeko eskatuko du EH Bilduk

Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.


Pagolarren gainean eolikoak jartzearen aurkako aldarria, plazara

Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan. 


Eguneraketa berriak daude