ARGIA.eus

Itzulpen automatikoa / Machine translation

Huste arriskuan daude Zestoako Gaztetxe berrian

  • Zentroko lokal bat birjabetu zuen aurreko astean Zestoako Gazte Asanbladak, Gaztetxearen lekualdatzea bermatzeko eta lokala Gaztetxe bilakatzeko. Elizak, baina esku hartu du jada: salaketa bat aurkeztu du gotzaitegiak, eta hustua izateko arriskuan dago Zestoako Gaztetxe berria.

Artikulu hau CC BY-SA 2.0 lizentziari esker ekarri dugu.

2023ko otsailaren 28an - 11:16
Elkarretaratzea egin zuten inauterietan. (Argazkia: Danbolin)

Huste arriskuan daude Zestoako (Gipuzkoa) Gaztetxe berrian, Zestoako Gazte Asanbladak jakinarazi berri duenez. Zentroko lokalaren birjabetzearen kontrako salaketa bat jarri du gotzaitegiak, eta, beraz, berehalakoan espaziotik kanporatuak izateko arriskuan daude asanbladako kideak. Gaztetxe berrira bertaratzeko deia egin diete herritarrei.

Zestoako Gazte Asanbladak aurreko astean azaldu zuen Gaztetxe berria ireki zuela. Badira bi urte Gaztetxea tokialdatzeko elkarrizketei ekin ziela udalarekin eta Elizarekin, azken urteetan Gaztetxe modura erabili duten espazioak dituen azpiegitura-mugak gainditzeko eta "indarrak biderkatzeko" asmoz. Gaztetxea zentroko lokal batean kokatzeko konpromisoa hartu zen negoziazio-mahai horretan, baina asanbladako kideek ez dute horretarako inolako bermerik lortu oraindik. Horregatik erabaki zuten hitzemandako lokalera sartzea eta Gaztetxe bilakatzea, tokialdatzea ziurtatzeko eta horretarako bermeak izateko.

Birjabetzearen berri eman zutenetik, ordea, ez dute Elizaren erantzunik jaso. Bere jabetzakoa da zentroko lokala. Orain bai; izan du Elizaren berri Gazte Asanbladak, Gaztetxearen kontrako salaketa modura.

Mobilizazioa larunbat honetan

Larunbat honetarako, martxoaren 4rako, egun osoko egitarau bat prestatu du Zestoako Gazte Asanbladak. Inguruko hainbat eragileren babesa jaso du horretan; hala nola, Azkoitiko Gazte Asanbladarena, Azpeitiko Gaztetxearena, Azpeitiko Esklabak Zentro Sozialistarena, Argizulo elkartearena, Zumaiako Etxape Zentro Sozialistarena eta Zarauzko Danda Gazte Asanbladarena.

Goizean elkartuko dira Zestoako Gaztetxe berrian, eta auzolanean jardungo dute eguerdira arte. Bazkaltzeko aukera izango da 14:30ean, eta solasaldi bat antolatu dute horren osterako. 19:00etan, berriz, manifestazio bat egingo dute Zestoako kaleetan, Gaztetxea zentrora. Soluzioa orain! lelopean.


Kanal honetatik interesatuko zaizu: Gaztetxeak
Zestoako gaztetxea husteko agindua eman du epaileak

Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.

 


Bi gazte epaitu dituzte asteazkenean Zestoako gaztetxearen okupazioagatik

Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]


2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


Zarauzko gaztetxean lapurreta egin dutela salatu dute

Kontzertuetarako materiala eta baliozko tresnak eraman dituzte.


2023-09-12 | Ahotsa.info
Ez Dago Hilda festibala urriaren 28an ospatuko da Berriozarren "eszena autogestionatuarentzat" lokal bat helburu

Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.


Eguneraketa berriak daude