Diyarbakir probintziako iparraldean, Turkiaren menpe dagoen Kurdistanen, Dicle urtegiko presako ate bat hautsi zen abenduaren 13an eta urak inguru guztia hartu zuen.
Dicle urtegia Turkiako Gobernuaren proiektu hidrologiko handienaren barruan kokatzen da eta Tigris ibaia du iturri; 75 metroko garaierarekin –Esako urtegi handituak 62 metro izango ditu– 595 milioi metro kuboko gaitasuna du. Ekologistak Martxan taldeko Zor Ekologikoko Batzordeak azaldu duenez, abenduaren hasierako euriteen ondorioz urtegiko gainezkabideetako bat irekitzerakoan atea hautsi zen eta ondorioz segundoko 1.600 metro kubo ur askatzen ari da.
Presan beherako herritarrei abisua azkar pasatzeari esker saihestu dute oraingoz hildakorik ez egotea baina Tigris ibaiak 6 metro egin du gora bat-batean eta Diyarbakirreko eremu urbanoan eta inguruko zelaietan kalte handiak eragin ditu, baita ondare arkitektonikoan ere. Jende ugari etxerik gabe geratu da kalean, zero gradu azpiko tenperaturarekin.
Presa egin baina lehen, jendeak Tigris ibaiaren bazterretan bizi ziren uholde naturalen arabera mugituz, haien arbasoen modura. Baina proiektua martxan jarri zenez geroztik, 2000. urtetik aurrera, asentamendu finkoak jarri dituzte, uholderik apenas dagoelako orain.
Mesopotamiako Ekologia Mugimenduak gogor salatu ditu “natura dominatzera bideraturiko” Turkiako estatuaren politikak, “hurrengo egunetan hobeto ikusiko dugu hondamendia nolakoa izan den. Ez dugu presa handirik behar, baizik eta ur hornidurarako soluzio txikiak”, gaineratu dute.
Toki horretatik gertu beste presa bat ari da egiten gobernu turkiarra, Ilisu inguruan, eta are kalte ekologiko, kultura eta sozial handiagoak ekarriko dituela salatu du Ekologistak Martxanek.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Iaz ireki zuten Supersurraren fase berria. Bilboko azken haran naturala porlanez zikindu ostean, bidesaria ordaintzeko prest dauden gidariek, eta erratuta Supersurrera sartzen diren horiek, minutu pare bat irabazi ahal dizkiote erlojuari.
Eraikuntza enpresek dezente gehiago... [+]