Hiru dekretuetatik bi onartzea lortu du Espainiako Gobernuak, JxC-ren abstentzioari esker
Krisiaren aurkako hainbat neurri onartu dituzte Espainiako Kongresuaren osoko bilkuran, hala nola BEZaren murrizketak eta garraiorako deskontuak. Onartu gabe geratu da langabezia subsidioaren erreforma, Podemosek Sumarreko proposamenaren aurka bozkatu ondoren.
Espainiako Gobernuak eskuartean zituen hiru dekretuetatik bi onartzea lortu du Junts per Catalunyaren (JxC) abstentzioari esker. Onartutako dekretuetan ezartzen diren neurriak garraiorako deskontuak eta BEZaren murrizketak dira. Onartu gabe geratu dira, ordea, langabezia subsidioaren erreforma eta erkidegoetako lan-hitzarmenenei lehentasuna ematea Espainiakoen aurrean. Senatuan egin dute osoko bilkura, Diputatuen Kongresuan eraberritze lanetan ari baitira.
Bi bloke bereizi dira Pedro Sánchezen inbestidura babestu duten alderdien artean. Batzuek dekretu guztien alde bozkatu dute kritikaren bat egin arren, adierazi dutenez, herritarrentzat “oro har onak” direlako neurriak. Alde bozkatu dutenen artean daude EH Bildu, EAJ, ERC, BNG eta Koalizio Kanariarrak.
Podemos eta Sumar alderdien arteko hausturan urrats berria
Junts per Catalunyak (JxC) eta Podemos izan dira beste aldean. JxC-ek hasiera batean adierazi zuen ez zuela dekretuen aldeko botorik emango, eta hala egin du: hasieran ez du hiru ekimenetako batean ere bozkatu. Gobernuarekin izandako azken uneko negoziazioen ondoren, ordea, abstenitu egin da krisiaren aurkako dekretuaren bigarren bozketan, eta onartzea erraztu du. Akordio horien artean sartzen dira garraio publikoaren deskontuan aldaketak egitea, olioaren BEZ murriztea eta zenbait lege-artikulu baliogabetzea, besteak beste.
Aldiz, Podemosek krisiaren aurkako neurrien alde egin duen arren, ezezkoa eman dio langabeziagatiko subsidioaren erreformari, eta eskuineko oposizioaren botoekin batera bertan behera geratu da neurria. Bozka horrek Podemos eta Sumar alderdien arteko hausturan urrats berria dakar, Yolanda Díazek gidatu baitu subsidioaren inguruko proposamena.
Onartutako eta atzera botatako neurriak
Onartutako neurrien artean daude Europako funtsak eskuratzeko erreformak, garraio publikoko eta elikagaietako onurak, argindarraren eta gasaren BEZaren aldaketak, kotizaziopeko pentsioen gehikuntza, gutxieneko pentsioen eta kotizazio gabeko pentsioen igoera, zerga berezien luzapena eta beste neurri sozial batzuk. Bertan behera geratu dira, aldiz, langabezia subsidioaren erreforma eta erkidegoetako lan-hitzarmenenei Espainian izenpetutakoen gainetik lehentasuna ematea.
Maiatzaren 22an EAEko Legebiltzarrak mila milioi euro zorpetzeko lege proiektua onartu du “zientzian, teknologian, enpresan eta industria sektorean eragiteko”. Naiz hedabideak jakitera eman duenez, Eusko Jaurlaritzak KPMG Asesores SL enpresari eskatu dio plana... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Ekimen honekin tonu alai eta ironikoan salatu nahi dute aldaketa klimatikoa eta turistifikazioa elkar elikatzen ari direla, eta horrek "gure hiria eta lurraldea merkatuaren logikaren esku uzten" dituela.
Energia eta telekomunikazio burujabe eta iraunkorraren aldeko manifestu kolektiboa.
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Bio etiketadun sagar edo tomate bat erosten dugunean, sagar edo tomateari osasungarri hitza lotzen diogu eta lurra zaintzen ari den nekazaria irudikatu dezakegu. Lurraren zaintzari jarritako mimoagatik, erosketaren prezio altua ulerkorra egiten zaigu. Sagarraren erosketak... [+]
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru antolatu zituzten eta entzulez bete zen amilibia baserri... [+]
Espainiako Gizarte Eskubide eta Kontsumo Sailak enpresari eskatu zion Espainiako Estatu osoan 65.935 etxebizitzaren iragarkiak webgunetik kentzeko, araudia betetzen ez zutela egotzita. Airbnbk helegitea aurkeztu zuen, Madrilgo Auzitegi nagusiak arrazoia eman dio gobernuari,... [+]
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]