OEE Arabak deituta, hileta-martxa sinboliko egin zuten larunbatean Mediterraneoan hildakoak gogoratzeko. Asteazkenean Ongi Etorri dokumentalaren estreinaldia eta, 5m5. Herrien besarkada kanpainaren aurkezpena izango dira Gasteizen.
Turkiako kostan gertatutako hondoratze baten ondorioz lau hildako, Lampedusara hurbiltzen ari zirela zortzi desagertu itsasoan, Alborango itsasoan patera galbidean 48 migratzaile zeramatzala … Ongi Etorri Errefuxiatuak Araba plataformak deituta, hileta-martxa sinbolikoa egin zuten aurreko larunbatean Gasteizko kaleetan, Europan gertatzen ari diren heriotzak salatzeko asmoarekin.
OIM-ek (Migrazioen Nazioarteko Erakundeak) eta ACNUR-ek jasotako datuek diotenez, 2014. urtetik gaur egun arte, 17.500 lagun hil dira Mediterraneoan (2018an bakarrik 2.262 izan ziren). Elkarte horien ustez, gainera, itsasoan hil dela baieztatzen den migrante bakoitzeko, errealitatean beste bi gehiago dira hiltzen dira.
“Zenbaki horiek, baina, Europarentzat ez dira esanguratsuak; ez behintzat, bere politika neoliberalek eta diru-goseak dartzaten zifrak bezainbestekoak. Beraienak dira espolioa, gerra, pobrezia, aldaketa klimatikoa… eragiten duten politika neokolonial horiek, ondorio gisa heriotza eta behartutako migrazioa dakarten politikak. Eta horiek dira arazoaren benetako kausa”, salatu du plataformak.
Bestalde, OEE Arabak gogoratu duenez, apirilaren 3an, asteazkenean, 19:30ean Aldabe gizarte etxean, Ongi Etorri dokumentalaren estreinaldia izango da. Bide batez, 5m5. Herrien besarkada kanpainaren aurkezpen ofiziala egiteko baliatuko dute hitzordua.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]