Guggenheim Urdaibai proiektua gelditzeko eskatu dute milaka herritarrek Gernikan
Urriaren 19an, milaka lagunek manifestazio zaratatsua egin dute Urdaibai Biosfera Erreserban Eusko Jaurlaritzak egin nahi duen Guggenheim proiektuari ezetz esateko. Guggenheim Urbaibai Stop plataformak, manifestazio bukaeran irakurritako agirian, eskaera zehatza egin die administrazio eta agintari publikoei: proiektua bideragarri bihurtzeko egiten ari diren urrats administratibo eta ekonomikoak gelditzeko.
Antolatzaileek adierazi dute aurreikuspenak gainditu dituztela. Iazko manifestazioan 4.000 lagun bildu zirela azaldu dute eta larunbateko manifestazioan “jende askoz gehiago” bildu dela.
Fundazio pribatu baten neurrira
Plataformak salatu du Busturialdea eskualderako irtenbide bakartzat aurkeztu dutela museoa. Eskualdearen gainbehera ekonomikoari aurre egiteko “turismo masifikatua bultzatzen duen makroproiektua” dela eta biosfera erreserba baten “erdi-erdian” ezarri nahi dutela. Proiektua Guggenheim Fundazioaren “neurrira egina” dagoela diote, “haren gurariak asetzea” duela helburu. Agintari politikoak kritikatu dituzte diru publikoa “gutxi batzuen probetxurako” erabiltzeagatik, baita “ingurumena suntsitzeko” baliatzeagatik ere. Ingurumen azterketarik ez dela egin salatu dute, eta beraien etorkizuna beraiek erabaki nahi dutela azpimarratu.
EAJren eta PSEren esanak
Plataformak agirian jaso duenez, zenbait administraziotako agintariek egindako adierazpenekin harrituta daude. Bizkaiko Foru Aldundiak proiektua “definitu gabe” dagoela adierazi duela dio plataformak, baina era berean “alboratu ezineko” proiektutzat jo duela, baita nazio-proiektu izendatu ere. Euskadiko Alderdi Sozialistari ere egin dio kritika: “Ez omen du proiektua ezagutzen, eta hala ere, proiektu hau jasotzen duen gobernu-akordio bat sinatu du [EAJrekin]”. Kultura sailburuaren hitzak ere jaso ditu plataformak, alegia, proiektuak natura eta artea lotuko dituela, baina plataformaren ustez, “kulturarik gabeko kultura proiektua” da Guggenheim. Azkenik, gogorarazi dute Eusko Jaurlaritza berriak lehentasunezko proiektutzat jo duela. “Nahaste-borraste horren erdian” Guggenheim Fundazioak aurrera egingo duen ala ez oraindik ez duela erabaki adierazi du plataformak, nahiz eta proiektua estrategikotzat jo duten.
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
2018tik 2023ra kolore berdea izatetik grisa izatera pasa den lur eremua 9.000 kilometro koadro ingurukoa da, Zipreren adinako azalera. The Guardian-ek argitaratu duen ikerketaren arabera, etxebizitzen eta errepideen eraikuntzara ez ezik, luxuzko turismo, kontsumo eta aisialdira... [+]
Altri multinazionalak Europako zelulosa lantegi handienetakoa eraiki nahi du Galizian, Palas del Rei herrian, lyocell deituriko zuntz "jasangarria" ekoizteko. Eukaliptoak, ura, moda-industria indartsua eta oligarkia politiko diruzalea. Dena du alde horretarako. Dena?... [+]
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Silurikoan sortu omen ziren, kontuak atera! Duela 400 milioi urte edo gehiago. Beraz, planetako lurretan azaldu ziren lehenetako animaliez ari gara, ez da txantxetarako kontua. Eta oraindik txantxa gutxiago, garai hartako espezie batzuek luzeran bi metro ere bazituztela jakinda... [+]
Garuna dirudi, bai, intxaur alearen mamiak. Garun bikoitza. Alearen edo garauaren barrukoari “intxaur-mami”, “intxaur-ister” eta “intxaurki” esaten zaio.
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Pirinioetako eta Iberiar Penintsulako mendien katalogoa gehitu dugu Mendiak aplikaziora. Abuztuan hazi zen mendi katalogoa, eta dagoeneko igoera mordoxka bat erregistratu dituzte erabiltzaileek. Webgune gisa kontsulta daiteke Mendiak.eus, baina erabilpen aproposerako, app bidez... [+]
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Sarraskiak ez du etenik Palestinan, eta lurraldeko txoko guztietara hedatzen ari da. Uztailaren 31n, Hebrongo (Zisjordania) Hazien Bankuaren Ugalketarako Unitateari eraso zion Israelek; bulldozer eta makineria pisutsuarekin bertako instalakuntza eta azpiegiturak suntsitu zituen... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.