Gose greban 19 egun daramatzate Estrasburgon autopista berri bat gelditzeko eskatuz
Bederatzi herritarrek gaur, azaroaren 9an, 19. eguna daramate batere jan gabe Estrasburgon (Altsazia, Frantzia), han agintariak oihan historiko bat suntsituz eraikitzen hasi berri diren autopista baten obrak gelditzeko eskatuz.
Urriaren 22an ekin zioten gose grebari hamar lagunek, Estrasburgo inguratuko duen GCO autopista-saihesbidearen obrak geratu eta gaia berriro aztertzeko eskatuz. 24 kilometroko autopista, pagatuzkoa izango dena, 1970eko hamarkadan proiektatu zuten eta promotoreek haren beharra argudiatzen dute Estrasburgoko trafikoa mendebaldetik arinduko duela. Kontrakoek, aldiz, auto eta kamioien trafikoa are gehiago sustatuz proiektu honek beste askok bezala klimaren aldaketaren kontrako edozein estrategia eragozten duela. Promotorea Vinci multinazionala da, Frantziako autopista gehienen kudeatzailea eta beste herri-lan askoren kontratatzaile nagusienetakoa.
Le village de Kolbsheim (Sstrasbourg) en lutte contre le GCO. Vidéos Taranis Newshttps://t.co/uDRvnFCDst pic.twitter.com/EtSkS3k9Kw
— riff-raff (@_riffraff_) September 16, 2018
Autopista berriari aurre egin diotenek –GCO Non Merci elkartean koordinatuta– hasieran ZAD bat antolatu zuten obrek erdiz-erdi harrapatu duten oihan batean baina jendarme tropa handi batek indarrez kanporatu zituen. Protestek, hala ere, egunero jarraitzen dute obretan eta inguruetan. GCO autopistak 350 hektarea baso, soro eta zelai suntsitu eta artifizialduko ditu. Horren guztiaren kontra ekin zioten urriaren 22an gose greba den ekintza baketsuan hamar lagunek.
Hiru asteotan zehar ehunka herritarren sostengua jaso dute protestalariek, batzuetan huelgarako hautatu duten egoitzan bisitatuz baina baita ere behin eta berriro kaleetan elkarretaratzeak antolatuz.Duela bost egun Mahatma Ghandiri Estrasburgok aspaldi eraikitako irudiaren aurrean egin zuten ekitaldi bat grebalariek:
Baraualdiaren zazpigarren egunean urgentziaz deitu zioten medikuari, grebalarietako baten ondoezagatik. Medikuaren aginduz batek utzi behar izan zuen protesta baina gainerakoek aurrera egin zuten, medikuek beren osasun arriskuez ohartarazi arren. Grebalarien artean dago Maurice Wintz Alsace Nature elkarteko lehendakariordea eta esan du: "Zerbaiten alde gosea pasatzeko prest baldin bazaude, adierazten duzu ez zarela bakarrik zure etxe ataria defenditzen ari. Hau urrutirago doa, etorkizunaren alde ari gara. 2050n Altsazian 50ºC harrapatuko ditugu eta hori geldi arazi beharra daukagu. GCO autopistaren kontrako hau da egin behar dugun borrokaren ikurra. Dena autoz betetzen jarraitzearen kontra, naturaren eta ingurumenaren alde".
Grebaren 17. egunean France 3 telebistak erreportajea eskaini zien hainbeste egunen buruan ahulduta baina indartsu mintzatu ziren grebalariei:
2025. urtean konkistatzaile baten omenezko monumentu bat egitea "lekuz kanpo" dagoela adierazi dute oposizioko kideek.
Irungo Udalak isilarena ematen duen bitartean, asteburuero hiriko kaleen segurtasuna zaintzeko aitzakiapean "Patrullas Vecinales" antolatu duten herritarren taldea ugaritzen doa. Ertzaintzak sare sozialetan ikusi dituztela aitortu du, baina Andoni Urdangarin Irungo... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Ustez lasaiak diren espazioetan ere hau sinatzen duenak jasotakoak dira hurrengoak: ekotaliban, NIMBY, bobo, kolapsista, negazionista, ekozekena, belarjale... Denek partekatzen dute eremu semantikoa: ekologismoa. Ekologismoaren baitako zenbait pertsonari edo mugimenduri deitzeko... [+]
Ipurdia belztu egiten zaio. Tomate (Solanum lycopersicum) alea sano-sano ikusten da, landarean zintzilik, goitik behera begiratzen baitiogu. Buruz behera edo hankaz gora jarriz gero ipurdia beltz-beltz azalduko du. Ipurdian txanpon baten antzeko beltzune borobila, oso beltza eta... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Nafarroako landa gune asko daude despopulazio arrisku larrian eta horietako bat da Urraul Goiti Pirinioaurreko bailara. Hango Adoain herrian biztanle bakarra bizi da iraunkorki eta 93 urte ditu. Han da ere Perotx oinetxe zaharra eta berau birgaitzeko herri ekimena abiarazi dute.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Israelek Iranen aurka orain arte egindako aire eraso gogorrena egin du ostiral goizaldean, Leon operazioa-rekin. Erasoan, Israelgo Armadako 200 bat gerra hegazkinek hartu dute parte eta kalte handiak eragin dituzte Iraneko nuklear programa garatzeko eta misil balistikoak... [+]