Gogoratzea, ekintza politiko gisa
Ezaguna dugu gurean Laura Benadiba argentinarra, Geronimo Uztariz historia institutuarekin duen harremana dela-eta. Besteak beste Nafarroan gaztetxoen eta haien aitona-amonen arteko ahozko transmisioa bultzatzeko proiektuan aritu da.
Liburu honetan, ahozko historiaren artxiboak sortzeko gida-lerroak emateaz gain, oroimen historikoaren funtzio sozialaz hausnartu eta herri mugimenduak euren iraganaz “jabetzeko” ariketa proposatzen du. Lan horretan ideologiek esku hartzen dute, eta elkarrizketa ekintza politiko bihurtzen da, kontakizun askatzaile bat.
Azken urteetan plazak okupatzen ari diren mugimenduei begira egindako gogoetak dira: oroimenaren bidez euren historia “barnetik” kontatu eta eraiki dezatela gaurtik hasita, botereak haien etorkizuna baldintzatu ez dezan. “Oinarri horretatik ez bagara abiatzen, orainarekin konprometituriko gazte eta militanteak beharrean, adoktrinaturiko helduak izango ditugu”, dio irakasleak.
FITXA
Nuestras voces en movimiento
Laura Benadiba
Pamiela, 2017
Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]
Autonomia erkidegoa eratu zenetik, datorren apirilaren 21ekoak hamahirugarren hauteskundeak izango ditu Eusko Legebiltzarrak. Behin baino ez du gobernua osatu EAJ ez beste alderdi batek; orduko hartan, 2009an, ezker abertzaleari aurkeztea galarazi zitzaiola baliatuta, PSE-EEk... [+]
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Valentziako Hezkuntza Kontseilaritzak 16 hizkuntzetatik bederatzietan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.