ARGIA.eus

2021eko irailaren 27a

Gipuzkoako Aldundiko bi zuzendarik epaitegian deklaratuko dute lurralde antolamenduaren aurkako delitu bat dela eta

  • Tolosako Epaitegian deklaratu beharko dute asteazkenean, abenduak 13, Arantxa Ariztimuño Gipuzkoako Foru Aldundiko Mendietako zuzendariak eta Felix Asensio erakunde bereko Ingurumen zuzendari ohiak –gaur egun Lan Hidraulikoetako zuzendaria da–, Aralarko Parke Naturalean pista bat eraikitzeko baimena emateagatik.

Unai Brea @unaibrea2
2017ko abenduaren 12a
Pista bat Aralarren.

Eguzki eta Landarlan talde ekologistek ipini dute bi zuzendarien aurkako salaketa. 2016an Enirio-Aralar Mankomunitateak sustatuta eraikitako pista baten erantzule nagusi diren heinean lurralde antolamenduaren aurkako delitua egin izana egozten diete Ariztimuño eta Asensiori. Epaileak erantzukizun penal zantzuak daudela erabaki eta deklaratzera deitu ditu biak.

Eguzki eta Landarlanek azaldu dutenez, Aralarko Natur Baliabideen Antolamendu Planaren arabera debekatuta dago pista berriak eraikitzea aipatutakoa eraiki zen eremuan. Horrez gain, proiektuak ez du betetzen Natura 2000 Sareko guneak arautzen dituen legedia, eta biodibertsitatearen inguruko espainiar eta europar legeek aurreikusitako ingurumen inpaktu ebaluaziorik gabe egin zen, ekologistek nabarmendu dutenez.    

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Aralarko pistak  |  Gipuzkoa  |  Gipuzkoako Foru Aldundia

Aralarko pistak kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude