Ostiraletik igandera, Luhuso eta Gernika batu ditu ekimenak. Amaierako ekitaldian herritarren mobilizazioaren garrantzia azpimarratu dute antolatzaileek. Espainiako Estatuan eta Europan lan egitea “hurrengo urratsa” dela adierazi dute.
Igande eguerdian amaitu da Sarek antolatutako Orain presoak bizikleta martxa, Gernikan. Ekimenari amaiera bazkari batekin eman aurretik, ekitaldia egin dute. Sareko Joseba Azkarragak eta Inaxio Oiarzabalek hartu dute hitza. Aurtengo martxak iazkoak baino parte hartze handiago izan duela nabarmendu dute mugimenduaren ordezkariek, eta herriz herri jaso duten harrerak “bakarrik ez gaudela” erakutsi diela.
Hegoaldean pausu berriak emateko Iparraldean egiten ari den lana eredu hartzea proposatu du Sarek, martxak Luhuso eta Gernika lotu dituela baliatuz. Bide horretan jendartearen garrantzia azpimarratu du mugimenduak: “Konponbidearen ildoan aurrera egiten saiatzeagatik atxilotuak eta auzipetuak izan ziren pertsonak, denbora gutxian gobernu eta justizia frantsesekin esertzea lortu zuten. Eta garrantzizkoa dena, lortu zuten preso kopuru garrantzitsu bat etxetik hurbilago egotea”. Hegoaldeari dagokionez, espetxe politika aldatzearen aldeko adierazpenak entzun bai, baina “praktikan” ez dela aldaketarik salatu dute.
Euskal Herritik Espainia eta Europara
Bide berriak urratzeko asmoa azaldu dute Sareko ordezkariek: “Orain arte Euskal Herriko esparruan egin dugu lan. Aldarrikapen hau gauzak aldatzeko gaitasun legegilea dagoen tokietara eraman behar dugu, Espainiako eta Europako esparruetara. Hori da eman behar dugun hurrengo urratsa”.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.