Martxoaren 3ko hilketen "arduraduna" epaitzeko eskatu dute biktimek Argentinan
1976ko martxoaren 3an poliziak bost langile hil zituen tiroz Gasteizen. Orduko biktimek, frankismo garaiko krimenen kontra Argentinan abian den ekimenarekin bat egin, eta tragediaren “arduraduna” auzipetzeko eskatu dute.
Rodolfo Martin Villa Espainiako Barne Arazoetako ministro ohia da, haien aburuz, gertatutakoaren “errudun nagusia”. Martxoaren 3ko Biktimak elkarteak hilaren 28an egingo du epailearen aurreko deklarazioa, Buenos Airesen, Frankismoaren Kontrako Argentinako Kereilak bultzatutako auzian.
Bost langileen erailketa salatzeko protestan bi pertsona hil zituzten tiroz, Basaurin eta Tarragonan. Horiek ere presente izango dituzte Buenos Airesen.
Nerea Martinez eta Eva Barroso, Gasteizen 1976an hildakoen senideak, kexu azaldu dira Espainiako Estatuak ez dituelako epaitu gertakarian inplikatutakoak. Epaitu izan balituzte, “Espainiako inpunitate modeloa hautsi zezaketeen”. 37 urteren buruan, ordea, egoerak berdinean jarraitzen du, eta horregatik jo dute atzerriko justiziaren babespera.
“Ezberdin” tratatzen ditu Espainiako Estatuak biktimak. Hala adierazi dute Martinezek eta Barrosok; hori dela eta, biktimen arteko “diskriminazioa” zuzentzeko eskatu, eta gainontzekoen “tratu berbera” exijitu dute. Horrek, “elkarbizitza” eta “normalizazioa” ekarriko lituzkeelakoan daude.
Gasteizko Martxoaren 3ko Plazan eman dute erabakiaren berri, hildako langileak omentzeko Iñigo Arregiren Arrazoiaren indarra obraren inaugurazioan. Bertan izan dira, EH Bildu, EAJ, PSN eta PP.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.