Etxerat-ek salbuespen egoera eteteko eskatu du: “ezin dugu jarraitu sufrikarioaren luzapenaren biktima izaten”
Baldintzak bete arren, 32 euskal presori oztopoak jarri dizkie espainiar justiziak erredentzioak, baimenak eta hirugarren graduak lortzeko.
Etxeratek salatu du 32 euskal presori oztopoak jarri dizkiela espainiar justiziak dagozkien espetxe-neurriak aplikatzeko. Elkarteak uztailaren 15ean Bilboko Areatzan egindako agerraldian salatu du egoera. Azken urtean, fiskaltzak helegitea jarri die 21 presok egindako hirugarren gradurako edo irteera baimenetarako proposamenei; bederatzi presori erredentzioak eta baimenak ukatu dizkie Tratamendu Batzordeak; eta bi presoren espedienteak abian dauden arren, auzitegiek ez diete erantzunik eman.
“Hiru hamarkada baino gehiago behar izan dira presoen urruntze sistematiko eta orokortuari amaiera emateko”, eta senideak ez daude prest beste 30 urte itxaroteko: “Ezin dugu jarraitu sufrikarioaren luzapenaren biktima izaten”. Preso asko Euskal Herrira hurbildu badituzte ere (Andaluziako kartzeletan ez da euskal presorik gelditzen), oraindik zigorra betetzen ari direnek “salbuespeneko” tratua jasotzen dutela salatu du elkarteak. Presoen berrintegrazioa ahalbidetzeko eta senideen eskubideen urraketak eteteko, Espainiako Estatuari “borondate politikoa” erakusteko eskatu diote.
Ostegunean egindako agerraldian, euskal presoen 32 senidek hartu dute parte. Horien izenean komunikatu bat irakurri dute Nekane Basaurik eta Txusa Etxeandiak. Basauri Joseba Arregi Erostarbe presoaren bikotekidea da, eta azaldu du Arregik 75 urte izan arren, 30 daramatzala kartzelan, “segundo bakar batean ere” kalean egon gabe. Horregatik, “lege arrunta aplikatu” eta euskal presoek “justiziaren aldetik tratu humanitarioa” jasotzeko ordua dela esan du Basaurik.
Etxeandia, berriz, Egoitz Coto presoaren ama da. Bere ustez, “tokiz kanpo” daude espetxeetako salbuespen egoerari amaiera emateko jartzen diren “oztopo eta atzerapenak”, eta semeak kartzelan igarotako ia 20 urteen ondoren, Etxeandiaren esanetan, bada garaia baimenak jaso eta etxera bueltatzeko.
Salbuespeneko kasuak
Arregik Madril eta Parisko kartzeletan bete du zigorra, azken urtea Asturiasen eta Martutenen igaro badu ere. Coto Madrilgo, Zaragozako, Balentziako eta Granadako presondegietan egon izan da, eta orain Kantabriako El Dueso-n dago. Etxeratek gogorarazi du 126 preso daudela oraindik Euskal Herritik kanpoko espetxeetan.
Gainera, Naiz hedabideak emandako informazioaren arabera, 19 euskal preso daude larriki gaixo, eta Arregiren antzera, bederatzik dituzte 70 urte baino gehiago. Horietako hiruk 30 urte baino gehiago daramatzate kartzelan, eta guztira 60k bete dituzte zigorraren hiru laurden. 50 baino gehiagok Frantzian bete dute kartzelaldiaren zati bat, baina urte horiek ez zaizkie kondenatik kendu.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.