Etxape Zentro Sozialista aurkeztu dute Zumaian
Besteak beste, "proletalgoaren autodefentsarako tresnak sortu eta indartu" nahi dituzte Zentro Sozialistaren bidez; adibidez, "autodefentsa eta aholkularitza laboralerako bulegoak, oinarrizko produktuen bilketak nahiz formakuntza politikoa sustatzeko espazioak" abiatu nahi dituzte Etxapen. Eroskiren jabetzakoa da espazioa, eta enpresarekin harremanetan jarri dira zenbait bitartekari; momentuz, ordea, enpresak ez du erantzun argirik eman. Sarrera bat itxi du Ertzaintzak.
aurre egingo dieten hedabide independenteak
Urola Kostako Kontseilu Sozialistak astearte goizeko aurreneko orduan eman du berria: bada denbora bat Zumaiako (Gipuzkoa) Aita Mari auzuneko 16. zenbakian dagoen espazioa ireki zuela, eta han jarri du martxan Etxape Zentro Sozialista. Bere garaian, Eroskiren denda bat zegoen espazio horretan kokatuta (Eroskiren jabetzakoa da), baina ez zaio inolako erabilera publikorik eman 20 urte luzez, eta abandonu egoeran egon da. Iluntzean agerraldi bat egin dute Zumaian, eta modu horretan aurkeztu dute Zentro Sozialista berria.
Kontseilu Sozialistako kideek azpimarratu dutenez, "krisi egoerak erabat markatutako testuinguruan bizi gara gaur egun". "Egunetik egunera okertzen ari dira langileriaren bizi baldintzak, eta etengabea da eskubide politikoen galera ere. Ikusi besterik ez dago azkenaldian nola ari diren garestitzen oinarrizko bizi baliabideak: energia, elikagaiak, etxebizitza... Baina politikoa ere bada oligarkiak sustatutako ofentsibak dakarkigun pobretzea: eskubide politikoak ezabatzen eta proletalgoaren antolakuntza independenterako baldintzak deuseztatzen ari dira", seinalatu dute.
"Testuinguru horretan, berebiziko garrantzia du baldintza horiek defendatzeko borrokak. Proletalgoaren klase independentzia ardatz duen estrategia politikoa indartzea da, gure ustez, bizi baldintzen eta askatasun politikoen pobretze orokorrari aurre egiteko bidea", aldarrikatu du Urola Kostako Kontseilu Sozialistak.
Autodefentsarako tresnentzako bultzada
Gogorarazi dutenez, Urola Kostako Mugimendu Sozialistak hainbat borroka, dinamika eta proiektu jarri ditu martxan azken urteetan, eta orain arte abiatutakoak sostengatzeaz gain, "proletalgoaren autodefentsarako tresnak sortu eta indartu" nahi dituzte Etxape Zentro Sozialistaren bidez. Besteak beste, "autodefentsa eta aholkularitza laboralerako bulegoak, oinarrizko produktuen bilketak, formakuntza politikoa sustatzeko espazioak" eta abar jarri nahi dituzte martxan Etxapen. "Epe motzean", esaterako, euskarazko mintzapraktika saioak antolatu nahi dituzte Zentro Sozialista berrian.
Espazioen beharra
"Horretarako, ordea, espazio baten beharra dugu", ohartarazi dute Kontseilu Sozialistako kideek. "Bide horretan, Eroskiren Aita Mariko espazio horren erabileraren inguruko adostasun batera heltzeko borondatea dugu", azaldu dute; "dena den, 20 urtez hutsik egon den eta jardun politiko nahiz sozialerako ireki dugun espazioa ez husteko bermea da eskatzen duguna".
Jakinarazi dutenez, Eroskirekin harremanetan jarri dira hainbat bitartekari, espazioaren erabileraren baldintzak adosteko elkarrizketa-prozesu bat hasteko. Enpresak, baina, ez du erantzun argirik eman oraingoz.
Gaur arratsaldean, Ertzaintza nahiz Zumaiako udaltzainak bertaratu dira Etxape ingurura. Iluntzean, prentsaurrekoa egiten ari zen bitartean, Ertzaintza Zentro Sozialistara hurbildu da eta sarrera bat itxi du. Polizia-lerroa mantentzen dute une honetan.
Deialdiak
"Proletalgoak antolakuntza gaitasuna irabaztea eta klase independentzia ardatz duen estrategia politikoa hauspotzea da espazio horren xedea", azpimarratu du Kontseilu Sozialistak. Hala, hurrengo deialdiei adi egotera deitu du; bihar, auzolanean arituko dira egunean zehar, Etxape egokitzeko lanei helduta.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Erasoa ile apaindegi batean egin zuen Poliziak iragan astean, Bilboko Kontseilu Sozialistak salatu duenez. Ile apaindegiko kamera baten irudiak zabaldu dituzte.
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
.png)
Milaka gazte bildu dura Gazte Koordinadora Solizalistak (GKS) urtarrilaren 25ean Bilbon eta Iruñean antolatu dituen mobilizazioetan, "Euskal Herrian agenda belizista eta faxismoa normalizatu ez daitezen". Jendetza bildu da bi hiriburuetan gerra inperialistaren... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Mendebaldeko agintariek gerraren aldeko apustua egin dutela salatzeko mobilizazioak antolatu ditu Gazte Koordinadora Sozialistak Bilbon eta Iruñean. Faxismoaren gorakadaren aurrean mobilizatzeko deia egin du.
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Istiluak izan dira Ertzaintzarekin eta Espainiako Poliziarekin Bilbon eta Iruñean. Sare sozialetan jakinarazi dutenez, gutxienez bina pertsona atxilotu dituzte batean zein bestean, eta aske daude dagoeneko.
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]