Espainiako Gobernuak atzerritarren legea aldatu nahi du, nazioarteko eskubideen aurka
Immigranteak Ceuta eta Melillako mugak gainditu bezain pronto kanporatu ahal izateko Atzerritartasun Legea aldatu nahi du PPk. Herritarren segurtasuneko legearen azken tramitazioez baliatuko da aldaketa horiek egiteko.
Hori egitea lortuko balu, Espainiako Gobernua nazioarteko eskubideak hausten egongo litzatekeela adierazi dute hainbat erakundek, tartean Amnistia Internazionalak.
PPren asmoak urratu egingo lituzke Giza Eskubideen Europako Hitzarmena, Errefuxiatuen Estatutuaren ingurukoa eta Europar Batasuneko (EB) Itzulera Zuzentaraua, besteak beste.
Ceutak eta Melillak “ordenamendu juridikoan tratamendu berezia” behar dutela argudiatu du PPk ordea, EBk Afrikarekin duen lurreko muga bakarra direlako.
Dena dela, mota horretako neurriek orain arte babes juridikorik eduki ez izanak ez du esan nahi immigranterik segituan kanporatu ez dutenik. Hainbat elkartek salatu dute mugako Guardia Zibilaren jokabidea, eta “neurri” horiek hartzen dagoeneko hamarkada bat daramatela adierazi dute.
Informazio gehiago:
Giza eskubideen aldeko Prodein elkarteak Melillako hesiko bideo polemikoa argitaratu du. Poliziek immigranteak nola jipoitzen dituzten erakutsi dute. Axier Lopezen blogean ikus dezakezu.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]