Espainiako dozenaka espetxetan bisean bisak eten dituzte

  • Sarek eta Etxeratek jakinarazi dituzte neurri berriak. Osasun larrialdiari lotuta egonagatik ere neurrien aurka agertu dira bi elkarteak, eta presoek eta beren senideek “garai oso zailak” bizi dituztela ohartarazi dute.


2020ko irailaren 21an - 18:12

Espainiako Estatuko 30 espetxe ingurutan bisean bisak eten egin dituzte, Sarek eta Etxeratek jakinarazi dutenez. Presoen bizi baldintzak gogortzea ekarri du neurria, eta azaldu dute, gainera, “urruntze politikari eusteak eta euskal presoei salbuespenezko erregimena aplikatzeak” egoera are larriagoa bihurtzen duela.

Bidean bisak eten ez diren espetxetan, murriztu edota egunez aldatu dituztela azaldu dute Etxeratek eta Sarek. Murrizketei dagokionez, pertsona bat edo bi sartu daitezke soilik bisean bisetara. Zenbait espetxetan bisita egunak asteburutik aste bitartera mugitu dituzte. Horren guztiaren ondorioz, senide batzuk sei hilabetetan ikusi ez dituzten presoak daudela salatu dute bi elkarteek.

Espetxe politika berri baten aurkako lobbya, gero eta indartsuago

Astelehenena Foro Sozial Iraunkorrak ere egin ditu adierazpenak espetxe politikaren inguruan. Foroak ziurtatu du Espainian espetxe politika aldatu ez dadin presioa egiten duen “lobby batek gero eta eragin handiagoa” duela: “Lobby hau iraganeko logiketan oinarrituta dago, eta gai honetan egin beharreko urratsak baldintzatu nahi ditu, batez ere politika instituzionalean, baina baita ebazpen judizialak edo administratiboak ere”. Foroaren esanetan, lobbya esparru ezberdinetako elkarte eta pertsonek osatzen dute, besteak beste “eragile politikoak, asoziatiboak, mediatikoak, biktimen sektore antolatuak eta fiskaltzaren eta epaileen sektoreak”.

Adierazpen horiek Madrilen antolatu dituen jardunaldi batzuk aurkezteko prentsa agerraldian egin dituzte Foro sozialeko ordezkariek. Ostegunean izango dira jardunaldiak, Euskal Herria: espetxe politika berri bat normaltasun berri baterako izenburupean.


Kanal honetatik interesatuko zaizu: Espetxe politika
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-11-06 | ARGIA
Espetxera itzularazi ditu Auzitegi Nazionalak Juan Carlos Subijana eta Joseba Borde euskal preso politikoak

Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]


2023-10-02 | ARGIA
Azpiegitura gabezia nabarmendu du Jaurlaritzak espetxe-kudeaketaren biurteko balantzean

Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]


2023-08-21 | Ilargi Manzanares
Sare Herritarrak Auzitegi Nazionalaren jarrera "oztopatzailea" salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


Eguneraketa berriak daude