Errefuxiatuei laguntzeko Melillara abiatuko den karabana prestatu dute

  • Karabana uztailaren 14an abiatuko da Altsasutik, eta 18an helduko da Melillara.

Artikulu hau CC BY-SA 3.0 lizentziari esker ekarri dugu.

2017ko maiatzaren 26an - 10:26

Aurreko urtean Mugak zabalduz karabana Greziara abiatu bazen, aurten Melillara abiatuko da. Errefuxiatuei eta migratzaileei laguntzeko Euskal Herriko Plataformak antolatuta, Europako Batasuneko eta Espainiako estatuaren migrazio-politikak salatzea izango du helburu. Era berean, "ihesi datozen milioika pertsonen eskubideak errespeta daitezen" eskatuko dute egitasmo honen bitartez, gaur Mugak zabalduz karabanako antolatzaileek Gasteizen egin duten agerraldian azaldu bezala. Tartean, Ongi Etorri Errefuxiatuak Araba elkartea aurkitzen da.

Hala, karabana berriak eztabaida publikoaren erdigunean jarri nahi ditu "egoera onartezinak", hala nola, Ceutako eta Melillako hesi kontzertinadunak, "beroan" egindako legez kanpoko kanporaketak, Frontexen kontrol-politikak eta Europako Batasunaren eta Espainiako gobernuak Europan asilo eta aterpe bila datozenei uko egitea. 

Uztailaren 18an, Melillan

Irteera uztailaren 14ean izango da. Egun horretan, Bardean egingo da guden aurkako ekitaldia, eta ondoren, Madrilera abiatuko da karabana. Lau egun geroago, hilaren 18an, helduko da Melillara eta hainbat ekitaldi egingo dituzte bertan, 18tik 20ra bitartean. Amaitzeko, karabana Almeriara helduko da 22an, langile migratzaileek negutegietan nozitzen duten egoera salatzeko.

 

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Errefuxiatu krisi globala
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Eguneraketa berriak daude