Emakume errefuxiatuak omenduko ditu Arabako Foru Aldundiak martxoaren 8an
Emakume errefuxiatuak izango dira protagonista Araban, Emakumearen Nazioarteko Egunaren harira. Foru Aldundiak Emakume errefuxiatuak munduari aurre eginez kanpaina antolatu du. Hainbat ekintzaren bitartez emakume hauen egoeraren berri eman nahi dio arabar gizarteari, eta harrera eta babesaren inguruko konpromisoa berretsi.
Ekitaldi nagusia martxoaren 4an izango da, Artium museoan. Araban bizi diren hainbat emakume errefuxiatuk parte hartuko dute, Alma Saavedra Mugarik Gabeko Medikuen Euskadiko ordezkariarekin eta Joxerramon Bengoetxea EHUko irakaslearekin batera. Emakume errefuxiatuen esperientziak erakutsiko dituzte bideo proiekzio baten bitartez.
Emakume errefuxiatuak munduari aurre eginez mezua kalera eramateko asmoa du Aldundiak. Indarra, ausardia, itxaropena, elkartasuna, ahalegina edo kemena bezalako kontzeptuak zabaldu nahi ditu kanpaina batekin.
2015 urtearen amaieran ia 64 milioi lagunek utzi behar izan zuten euren bizilekua, ACNUR (Errefuxiatuentzako Nazio Batuen Goi Komisioak) erakundeak jakinarazi duenez. Horien erdia emakumeak eta adingabeak ziren. Hauen zaurgarritasun egoera azpimarratu du erakundeak, oinarrizko eskubideen urraketak sufritzen dituztelako, bai jatorrizko herrialdeetan baita helmugakoetan ere.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]