EDH FEST antolatu dute Iruñerriko eszena antikomertziala eta gaztetxeak bultzatzeko
Jaialdiarekin azken urtean errepresaliatuak izan diren Iruñerriko Gaztetxeentzat eta bertako kideentzat dirua lortu nahi dute.
Sei hilabete iraun ditu Ez zaituztegu bakarrik utziko, euskal eszena gaztetxeen alde kanpainak, eta Ez Dago Hilda FEST musika jaialdiarekin emango diote amaiera. Urriaren 25 eta 26an izango da Berriozarko Ilargi parkean.
Ez Dago Hilda kolektiboak antolatu du jaialdia, gaztetxeei “urteetan eman" dietena bueltan itzultzeko. Izan ere, gaztetxeen galerak bultzatu zituen kolektibo eta kanpaina hau sortzera, asko laguntzen baitute “musika-eszena antikomertziala” bultzatzen. Maravillas eta Errotxapeako gaztetxeek kontzertuak musika-eszena komertzialetik kanpo antolatzeko “aukera bikaina” ematen zutela adierazi dute, eta hauek hustu ostean hutsune handi bat sumatu zutela diote.
Eszena antikomertziala bultzatzen zuten arnasgune hauek galdu ostean, hausnarketa prozesua hasi zuten eta Ez Dago Hilda kolektiboa sortu zuten, eszena bultzatu eta hainbeste eman zieten gaztetxeentzat dirua biltzeko, "Ez zaituztegu bakarrik utziko, euskal eszena gaztetxeen alde" lemapean. EDH FEST-arekin emango diote amaiera kanpainari; urriaren 25 eta 26an izango da jaialdia. Lehen egunean hainbat kontzertu egongo dira arratsaldeko 19:00etatik aurrera, eta bigarren egunean egun osoko egitaraua antolatu dute, ume zein helduentzat.
🗒️Prentsa oharra [EUSK/CAST]
— Maravillas Gaztetxea (@maravillasGTX) September 7, 2019
Atzo Piparrikan EDH kolektiboak Gaztetxeen Aldeko kanpaina aurkeztu zuen piparrikan. 📅Urriaren 25 eta 26an jaialdia Berriozarren.
Bertan errepresioaren kontrako zozketa.
Animatu eta etorri! 📅Urriaren 17an Maravillasen aurkako epaiketa pic.twitter.com/VsvkRJW66j
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.