Donostiako udal gobernuko kideek "tonto utilak" deitu dietela salatu dute Txantxarreka Gaztetxetik

  • Pasa den ostiralean Txantxarrekako eta udal gobernuko kideak bildu ziren gaztetxean dauden migranteei buruz hitz egiteko, eta ostegunean bileraren balorazioa egin dute.

Gazteak pankartarekin udaletxe atzean Eneko Goya aurretik pasatzen (Argazkia: Txantxarreka)

2018ko irailaren 13an - 12:48

Donostiako Udal gobernuko kideen jarrera ezkorra salatu eta hutsik dauden hainbat lokal publiko erabiltzeko eskatu dute gazteek. Ez dute ulertzen Udalaren jarrera gai horren inguruan: “Nola liteke herritarrok gaztetxe batekin Udalari dagokion eskumeneko jarduna burutzeko gai izatea, eta zuek ez? Hain zaila al da?”.

Eneko Goia alkateak egindako adierazpenen aurka azaldu dira. Alkateak bilera ondo joan zela eta harremanetan daudela adierazi baitzuen eta Txantxarrekakoek “gezurra” dela salatu dute, “bilera ez zelako ondo joan”. Hala ere, prest azaldu dira “egoerari irtenbidea emango dion harremana mantentzeko”.

Udal gobernuaren mespretxuzko jarrera ere salatu dute. Azaldu dutenez, “tonto utilak” zirela esan zieten; aterpetxean gehienez egon zitezkeen egun kopurua egon eta gero bi emakume eta bi haur gaztetxean egon ziren bizitzen lau egunez eta “ume eta emakumeen bahiketa bat izan zela" aditzera eman eta "secuestro hitza hainbatetan erabili zuten”. Gainera, deigarria egiten zaie  udal aterpetxeetatik gaztetxera jendea bidali izana.

Bestalde, herritarrei eskatu diete, migranteei laguntza eskaintzen jarraitzeko, eta inguruko udalei haien bitartekoak erabil ditzatela egoera hau aldatzeko.


Kanal honetatik interesatuko zaizu: Errefuxiatu krisi globala
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


Eguneraketa berriak daude