Deustuko Gazte Lokala: Bizirik gaude!

  • Aurreko urteko irailaren lehenengo egunetan Deustuko Gazte Lokaletik alde egiteko 15 egun genituela esan zigun Bilboko Udalak. Gutun bidez jaso genuen huste-agindua harremanetan geunden bitartean. Lehenengo egunetik hasi ginen asmo honen aurka lanean, gure bizitza den Deustuko Gazte Lokala defendatzeko egin beharrekoa egingo genuela argi baikenuen.

Uriola.eus @uriolaeus
2019ko urtarrilaren 15a

Asanblada informatiboak, prentsaurrekoak, kartelak, pankartak, elkarrizketak, mobilizazioak, sinadura bilketak, emanaldiak, obrak... mota guztietako ekintzak egin genituen. Guztion lanari esker argi geratu zen Deustuko Gazte Lokala defendatzeko herri bat prest zegoela. 

Udala, gezurrak medio, hainbat modutara saltzen saiatu zen Gazte Lokalaren balizko hustutzea. Zortzi etxebizitza ziztrin egiteko bota nahi zituzten Txoridenda eta merkatu zaharra eta azpiko solairuak “modu autogestionatuan” musika taldeentzat eskaini. 

Badirudi ez direla nahikoak Deustuko Erriberan egingo diren 5.000 etxe berriak edo Deustun hutsik dauden ehunka etxeak.  Horiek ziren euren argudioak, baina guk hasieratik argi izan dugu Udalaren arazoa ez dela etxebizitza falta, baizik eta gazteria antolatzeko eta eskaintza alternatiboa egiteko espazio aske bat izatea Deustun.

Urtebete baino gehiago pasa da mehatxu hori jaso genuenetik. Ordutik hamaika ekintza antolatu ditugu, moldaketa lanak egin ditugu, kolore horiz margotu dugu Gazte Lokala... Hemen jarraitzen dugu, Ramon y Cajal eta Luzarra kaleen artean, baina ez edonola. 

Inoiz baino biziago gaude, mehatxu honek indartu egin gaituelako. Ospatzeko hilabete hasieran bi asteko egitarau oparo eta anitza antolatu genuen. Abenduarekin batera hasi zen ospakizuna, Kuadrillen Eguna eta Zoroen Klubaren maketa berriaren aurkezpenarekin. Giro paregabea egon zen larunbat osoan zehar Deustuko iparraldean.

Abenduaren 4ean Sendabelar Tailerra egin genuen, inguruan aurkitu ditzakegun landareek dituzten erabilerak hobeto ezagutzeko. Hurrengo egunean Deustu ez dela Bilbo aldarrikatzeko afaria egin zuen Deustuko Gazte Asanbladak, mitin politiko eta guzti. Abenduaren 6an Txoringitoa ireki genuen ostegunero bezala, jai egun arrotzek ez baitute lekurik gurean.

Abenduaren 12an Euskal animaziozko laburmetraiak proiektatu genituen, Areka, Beti bezperako koplak edota Miraila eta solasean ibili ginen zuzendarietako batzuekin. Ostegunean Palestinako Askatasun Fronteko Fayez Badawi egon zen gurean, Palestinaren egoeraren eta Siriako gerraren inguruko hitzaldia ematen, Siriaren Alde plataformak antolatua. Ostiralean hainbat ekintza antolatu genituen: Jantoki Herrikoia, hiri ereduari buruzko hausnarketa egiteko mahai-ngurua eta kalejira Deustun zehar.

Ospakizunak amaitzeko Los Cosmeticos, Uger eta Diana Lagartoren musika emanaldiez gozatu genuen larunbatean. 

Argi daukagu ez garela hemendik joango, gaztetxea gure etxea delako. Argi utzi dugu bizirik gaudela eta, bizirik gauden bitartean, Deustuko Gazte Lokala defendatzen jarraituko dugula!

Albiste hau Uriolak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gaztetxeak  |  Bilbo

Gaztetxeak kanaletik interesatuko zaizu...
2019-03-15 | Topatu.eus
Gipuzkoako Gaztetxe eta Gazte Asanbladen topaketak egingo dituzte martxoaren 22tik 24ra

‘Hamaika haritatik soka berari tiraka’ izenpean, hiru eguneko egitaraua prestatu dute Gipuzkoako gazte asanbladek Hernaniko Kontrakantxa gaztetxean egingo dituzte jardunaldietarako.


2019-03-14 | Topatu.eus
Gasteizko gaztetxea
Urtarrilaren 1eko gertakariengatik epailearen aurretik pasatzeko deitu dituzte 5 gazteak

Gaur, osteguna, 5 gaztek adierazpenak egin beharko dituzte Gasteizko Epaitegian, urte berri eguneko goizaldean gaztetxean gertatutakoengatik. Aldi berean, gaztetxean festa solidario bat ospatuko dute dirua batzeko eta gastuei aurre egiteko.


Iruņerriko Gaztetxeak
"Gaztetxeen defentsa ez da hauen biziraupen fisikora mugatzen"

Azken hilabeteetan errealitateak irakaspen handiak eman dizkigu Iruñerriko gaztetxeetako kideoi, eta horiek plazaratzeko asmoz idazten dugu ohar hau.


Gaztetxeak, feministak ote?

Iruñeko Maravillas gaztetxearen hustutzea mediatikoa bihurtu zen iragan urtarrilean. Batetik, “aldaketa”-ren eragileen baitan kontraesanak eta tentsioak azaleratzen dituelako, hauteskundeak bistara ageri izan dira, alderdi ugariren interesak martxan jarriz. Hala berean, hustutzearen erreakzioak luze iraun zuelako, herri mugimenduko hainbat eragileren eskutik, bizipen intentsuak izan ziren eta kalea agertoki.


2019-01-23 | ARGIA
Thousands of people have taken back a social centre in Iruņea

Over recent weeks a public building in Nabarreria Street in Iruñea (Navarre, Basque Country) has become identified with social struggle. Maravillas gaztetxe or youth centre –a self-managed Basque community centre– It has been closed several times by the Government of Navarre and reoccupied by citizens.


2019-01-21 | Uriola.eus
7Katu gaztetxeak 12. urteurrena ospatuko du

Astelehenetik hasita, 'Gure garra hasia da, gure garrasia da' lelopean ospatuko dute gaztetxearen urteurrena. Prestatu dituzten gauzen artean hitzaldiak, mahainguruak, kontzertuak, umeentzako antzerkiak, tailerrak, edota bertso saioa daude. Herri bazkaria izan ezik, dena doakoa izango da.


2019-01-10 | ARGIA
Hainbat kazetari jo du Poliziak Maravillas gaztetxea ixtearen kontrako protestetan

Iruñeko Alde Zaharreko Maravillas Gaztetxea ixtearen kontra astearte eta asteazkenean foru poliziak egindako oldarraldietan euren lanean ari ziren hainbat kazetari ere eraso ditu, herritarrez gain.


2019-01-02 | ARGIA
2018a Iruņerriko gaztetxeen begiradapean

Iruñerriko gaztetxeek bidalitako agiria da ondokoa. Bertan, Iruñerrian 2018an gaztetxeen esparruan gertatutakoari errepaso egiten diote.


Donostiako Parte Zaharreko Kijera gaztetxea, husteko arriskuan

Udalaren notifikazioa jaso eta egoeraren berri emateko bilera informatiboa egin dute asteazkenean. Gaztetxeko kideek bost egun dituzte helegiteak aurkezteko.


2018-12-13 | Hiruka .eus
Kanpaina "antikontsumista" Itzubaltzetan: doako azoka

Gabonetako kontsumoari aurre egin guran, doako azoka antolatu du Getxoko Itzubaltzeta/Romo auzoko Matraka gazte asanbladak. Hala, norberak erabiltzen ez dituen gauzak Etxe Merkean uzteko deia egin dute, ondoren egingo duten azokan behar duenak behar duena har dezan.


Eguneraketa berriak daude