"Bioeraikuntza beti egon den zerbait da"
Gaur egungo ohiko eraikuntza-industriak ingurumenean eta pertsonengan sortzen duten kalteaz kontzientziatuta, ehBioeraikitzen elkarteko gazteek bestelako eredu jasangarri eta naturalagoa proposatzen dute: etxe-ondoko materialakaz egindako eraikinak.
Askotariko diziplinetako gazte-talde batek osatzen dute ehBioerakitzen elkartea: arkitektoak, arte ederretakoak, psikologoak eta ingeniariak; baina denek dute helburu bera: ingurugiroa defendatzea eraikuntza-eredu jasangarriago baten bitartez. Horretarako, etxe-ondoan aurkitu daitezkeen materialetara eta eraikuntzaren sustraietara jo dutela dio Antxon Alkalde elkarteko arkitektoak. Lastoa, buztina eta karea bezalako material xumeak erabiltzen dituzte beraien lanak egiteko: "Beti hor egon diren materialak dira, baina industrializazioak beste material batzuengatik ordezkatu ditu, hala ere, horrek ez du esan nahi txarragoak direnik".
Zaborragaz oso lotuta dagoen zerbait dela dio Alkaldek; izan ere, eraikuntzaren industriak zabortegietan amaitzen duten hondakin asko sortzen ditu. Bioerakuntzan, berriz, erabiltzen diren materialak bertan birzikla daitezke. "Gainera, osasuntsuagoak dira, ia ez direlako moldatu behar eta ez diegulako osagai kimikorik jartzen", gaineratu du.
Ekimen horiek hedatzeko, ehBioerakitzenekoek ikastaroak, auzolanak eta proiektu pribatuak partekatzen dituzte. Hala, elkartekoek materialak eta esperientzia jartzen dute, proiektuak auzolanaren eta ikastaroen bidez bultzatzeko.
Asteburu honetan, urtarrilaren 9an eta 10ean, material natural eta askotariko teknikak erabilita, tabikeak egiten ikasteko tailer bat egingo dute Meñakan. Aurrerago ere mota horrelako ikastaroak, kooperazio proiektuak eta egitasmoak ere egingo dituztela aurreratu du Alkaldek.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]