Bilbobuseko eta Bizkaibuseko linea batzuk 24 orduko greba egiten ari dira
Bizkaibuseko Ezkerraldea Meatzaldea Bus, Pesalur eta Gam Txorierri enpresetako eta Bilbobuseko 2.000 langile daude grebara deituta. 250.000 erabiltzaile ingururi eragiten ari zaie greba deialdiak.
Bilbobusen eta Bizkaibus zerbitzuko linea batzuetan 24 orduko greba egiten ari dira gaur, ostiralean. Langileen eta Bilbobuseko zuzendaritzaren arteko akordioak gertu zirudien arren, atzo, ostegun iluntzean, egindako azken bileran negoziazioak hautsi ziren, San Tomas eguneko greba deialdiari eutsiz.
Jose Fernandez enpresa batzordeko presidente eta UGT sindikatuko delegatuaren arabera, “asteazkenean aurreakordioa lortu genuen baina azken xehetasunak adosteko orduan dena bertan behera geratu da eta ia negoziaketen hasieran bezala gaude ".
Ezkerraldean, Enkarterrian, Durangaldean, Arratian, Nerbioi Garaian, Txorierrin ibiltzen diren autobusei eta Loiuko aireportura doazenei eragingo die grebak. Eusko Jaurlaritzak %30eko gutxieneko zerbitzuak ezarri ditu.
ELA sindikatuak azpimarratu duenez, “langileak grebara joango dira kalitatezko zerbitzu baten defentsan eta enpresek inposatu nahi dituzten prekarizazio politikei aurre eginez".
Bilbobuseko eta Bizkaibuseko hiru enpresa horietako langileek manifestazioak antolatu dituzte. Bilboko kaleetan, Bizkaiko Foru Aldundiaren egoitzaren atarian eta Bilboko udaletxearen aurrealdean iragarri dituzte protestak.
Gipuzkoan egin dute gehien gora manifestazioek, 2017an baino %27,6. Bizkaian %9 egin dute gora, eta Araban berriz, %5,3 behera.
Gutxien espero zen unean eta moduan eman zaio konponbidea Bizkaibuseko gatazkari. Arratsaldeko seietan, handik ordubetera bilera egiteko deialdia jaso dute sindikatuek Bizkaiko Foru Aldunditik (BFA); oraingoan, greba bertan behera uzteko baldintzarik gabe. Iluntzeko... [+]
EH Bilduk asteazkenean iragarri du Itziar Garamendi, Bizkaiko Foru Aldundiko Garraio Diputatuaren kontrako zentsura mozioa aurkeztuko duela azaroaren 3an, baldin eta aurretik Aldundiaren eta Bizkaibuseko langileen arteko gatazkari konponbidea emateko gai ez bada.
Astearte arratsaldean ziren biltzekoak Bizkaiko Foru Aldundia eta Bizkaibuseko sindikatuak, baina ez da bilerarik izan Aldundiak hizketan hasi aurretik "neurri batean" greba bertan behera uzteko eskatzen duelako.
ELA, LAB, CCOO, UGT eta LSB sindikatuek greba mugagabera deitu dituzte Bizkaibuseko langileak, ez baitute akordiorik lortu Bizkaiko Foru Aldundiarekin.