Bi eraso sexista salatu ditu Zarauzko Putzuzulo Gaztetxeak

  • Putzuzulok elkartasuna adierazi die erasoa jasan duten emakumeei. Amurrion ere beste eraso bat salatu dute eta urruntze agindua ezarri diote salatutako gizonari.

Miren Osa Galdona @Mirentx_U
2018ko apirilaren 13a

Putzuzulo Gaztetxeak konpromisoa hartu du indarkeria sexistari aurre egiten jarraituko dutela: “Formazioaren, hausnarketa kolektiboen eta talde jardunbideen bidez geroz eta feministago bihurtu nahi dugu, bai jendartea, bai gaztetxea”.

Gauzak horrela, erasoa jasan duten emakumeei babesa eta baliabide material eta humanoak eskainiko dizkie gaztetxeak. Erasoen aurkako protokoloa indartzeko asmoa ere berretsi du. Erasotzaileekin ere neurriak hartu dituztela jakinarazi dute gaztetxeko kideek: “Ez dira gaztetxean sartuko eta haien herrietan lanketa pertsonal eta kolektiboa egiteko konpromisoa eskatu zaie”. Putzuzuloko batzarrak prozesu horien jarraipena egingo duela jakinarazi  dute.

 

Amurrion berriz, azkenaldian eskualdean indarkeria matxistaren kasu gehiago egon direla azpimarratu du Otsemeak talde feministak. Elkarretaratzea egin dute herriko plazan eta indarkeria matxista jasaten duten emakume guztiei elkartasuna eta babesa emateaz gain, aurrerantzean ere saretu eta kalera ateratzeko deia luzatu diete.

Kartzela zigorra bortxatzaileari

Aste honetan jakin da zazpi urteko espetxe zigorra ezarri diola Gipuzkoako Lurralde Auzitegiko epaileak 2015ko Zarauzko festetan neska bat bortxatu zuen gizonari. Hamar urtetan emakumearengana hurbiltzea eta harekin komunikatzea debekatu diote. 30.000 euroko kalte ordaina eman beharko dio emakumeari.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Sexu Erasoak

Sexu Erasoak kanaletik interesatuko zaizu...
2018-09-09 | Inma Errea
Ezetzaren ertzak

Uztailak 6. Iruñeko festak hastear. Kale-hamarretakoak nonahi. Banku publikoz hornitutako kantoi batean, mutil gazte batzuk mintzo ozenean. Ezetzaz ari dira. Baten galdea: ezetza al da baietz ez esatea?

Argia da kezka: jakitea nola jokatu hastear diren festetan. Galduta, edo salduta, sexu-grina estreinatu berriaren eta portaera egokien arteko zalantzetan. Nerabe-kalakan, haien parera andre heldua, ni, iritsi arte –esku gorria paparrean, nahitaezko osagarri sanferminetako... [+]


2018-09-04 | Nahia Ibarzabal
Elkarretaratzea egingo da Donostian igandeko sexu erasoa gaitzesteko

Donostiako Udalak deitu du asteartean eguerdiko 12:00etan Alderdi Ederren egingo den kontzentraziora.


2018-09-03 | Nahia Ibarzabal
Emakumezko bat bortxatu dute Donostian

Zurriola hondartzan gertatu da erasoa igande goizaldean. Ertzaintza erasoa ikertzen ari da eta momentuz ez dago atxiloturik.


2018-08-30 | Nahia Ibarzabal
Salmondek dimititu egin du sexu-eraso salaketa batzuen ondorioz

Eskoziako lehen ministro ohiak sexu-erasoak egin izana ukatu du. Hala ere, Eskoziako Alderdi Nazionalistaren (SNP) barne-zatiketak saihesteko dimisioa aurkeztea erabaki du.


2018-08-20 | Nahia Ibarzabal
Bi eraso sexista salatu dituzte Bilboko Konpartsek

Larunbat gauean izan ziren eraso sexistak Bilboko Konpartsek jakitera eman dutenez eta gertatutakoa salatzeko elkarretaratzea egin dute igandean “kaleak, gauak, jaiak emakumezkoenak ere” badirela salatzeko.


2018-08-08 | Nahia Ibarzabal
Adingabe bati egindako sexu erasoarekin lotuta bi gazte identifikatu dituzte Gasteizen

Sexu-erasoa asteazken goizaldean gertatu da Gasteizen eta momentu honetan gertaera ikertzen jarraitzen du poliziak.


La Manadako bortxatzaileak dispertsioaren aurkako pegatinak jarrita ibili ziren Sanferminetan

La Manadako kideak euskal preso politikoen dispertsioaren aurkako pegatinak paparrean jarrita ibili ziren Sanferminetan bost gizonen artean emakume bat bortxatu zuten gauean, beraiek beren buruari grabatutako bideoetan ikus daitezkeenez.


2018-08-02 | Nahia Ibarzabal
Adingabe bat espetxeratu dute bere nebak bortxatu ondoren haurra abortatzeagatik

Indonesiako adingabearen ama ere atxilotu egin dute alabari abortatzen laguntzeagatik, Publicok jakinarazi duenez.


2018-08-02 | Nahia Ibarzabal
'La Manadako' kide bat atxilotu dute lapurtzen eta bi zaindari autoarekin harrapatzen saiatu ostean

Ángel Boza asteazkenean atxilotu dute Sevillan, merkataritza gune batean eguzkitako betaurrekoak lapurtzen saiatu ondoren, bere atzetik joan diren bi zaindari ibilgailuarekin harrapatzen saiatzea egotzita.


Eguneraketa berriak daude