Beste lau pertsona inputatu dituzte 2016-17ko Osakidetzako azterketen filtrazioengatik

  • Gasteizko 2. Instrukzio Epaitegiko magistratuak LABek eskatutako hainbat eginbide onartu ditu. Lau hauekin, 11 akusatu daude mediku espezialistentzako azterketaren iruzurraren loturarekin inputaturik.


2021eko ekainaren 02an - 10:41

LAB sindikatuak herri-ekimenean eskatuta, Gasteizko 2. Instrukzio Epaitegiko magistratuak beste lau pertsona inputatu ditu 2016-2017ko Osakidetzako azterketetako filtrazioengatik. Debagoieneko Traumatologiako zerbitzuburua, Kirurgia Plastiko eta Konpontzailearen lehen azterketaren egile bi eta Kirurgia Plastiko eta Konpontzaile kategoriako oposiziogile bat izan dira azkenak. Guztira, hamaika dira Fakultatibo espezialisten lan eskaintza publikoaren (LEP) iruzurragatik inputatuak. Bestalde, sei leukori ere deituko zaie deklaratzeko.  

Lau akusatuez gain, Kirurgia Plastiko eta Konpontzailearen epaimahaiko seigarren kideak ere deklaratu beharko du. Guztiek uztailaren seian emango dituzte azalpenak. Horrela adierazi du LAB sindikatuak astearte honetan kaleratu duen oharrean. Lekukoak, berriz, sei dira: horietako batek ekainaren 8an deklaratuko du, eta besteek uztailaren 6an.

Jose Muñiz Fernandez Oviedoko Unibertsitateko irakaslea izango da lehen lekukoa, Osasun Sailak eskatutako azterketa psikometrikoa egiteaz arduratu zen aditua izanik. Uztailean deituko diren lekukoak, berriz, bost dira: azterketaren akordioaren negoziaketan parte hartu Medikuen Sindikatuko bi kide; Jose Maria Armentia Osakidetzako Giza Baliabideetako zuzendari ohia, jada kargugabetua; Fulgencio Aledo Herri Arduralaritzaren Euskal Erakundeko (HAEE) arduraduna; Kirurgia Plastiko eta Konpontzailearen  azterketako oposiziogile bat; eta Kirurgia Kardiobaskularreko epaimahaikide bat.

Instrukzio Epaitegiak LABek eskatutako bi ofizio ere onartu ditu. Batetik, ospitaleetako pediatriako epaimahai kalifikatzailearen aktak eskatuko zaizkio Osakidetzari. Bestetik, Arabako ESIko pediatriako zerbitzuburuari irekitako diziplina-espedienteari buruzko informazioa eskatuko da, eta, halakorik balego, epaitegira bidali.

Onartzeko zain

Halaber, Epaitegiak oraindik ez du erabaki Osakidetzako zuzendaritzako kideak ikertu gisa deituko dituzten. LABen esanetan, pertsona horiek filtrazioak gertatzeko “baldintzarik onenak” sortzeaz arduratzen ziren eta, salaketarik bazegoen, “isilarazi eta ezkutatu” egiten zituzten. Sindikatuak talde horren barne aipatu ditu Jon Darpon, Maria Jesus Mugica, Juan Carlos Soto, Andoni Arcelay, Xabier Balerdi eta Miriam Aparicio.

 


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude