2021eko Argia Sarien data hurbiltzen ari da eta lantaldean dagoeneko gogor ari gara arakatzen euskarazko komunikazioaren esparru zabal eta aberatsa. ARGIAko irakurleak ere bere proposamenak egitea nahiko genuke eta ohar hau horretarako gonbitea da.
Urtero bezala,aurten ere urtarrilaren azken astean banatuko ditugu Argia Sariak, ARGIAko lan taldearen ustez nabarmendu diren euskarazko komunikazio proiektu edota kazetaritza lanak sarituz.
Gure lan taldea, kolaboratzaileak eta Argia Jendearen artean proposatzen ditugu hautagaiak, eta diren guztien artean hautatzen dugu ARGIAn. Gero eta gehiago ekoizten da, gero eta kalitate maila handiagoarekin, eta gero eta begi gehiago behar ditugu dena jarraitzeko. Beraz, irakurle, 2021eko Argia Sarietarako hautagai egokirik ikusten baduzu, jakinarazi iezaguzu mesedez.
Bost atal finko saritzen ditugu: prentsa saria, irratia, ikus-entzunezkoak, internet eta sustapen ekintza. Egoki ikusten badugu, halaber, merezimenduzko saria ere banatzen dugu, euskal kulturan edo euskal gizartean nabarmendutako pertsona, lan edo proiektua. Saritu daitezke lan zehatzak, saioak, sekzioak, hedabideak, pertsonak, proiektuak… Hautagaia proposatzerakoan, oso garrantzitsua da argudiatzea zergatik aipatzen den sarietarako.
Sariei buruz gehiago jakin nahi duenak, Argia Sariak kanalean sartu eta eman dezake begiratua, bertan baitauka azken hamarkadetan sarietan egosi dena jarraitzeko aukera. Proposamenak honako helbide elektronikora bidali behar dira: argiasariak@argia.eus
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]