Prezioen azken 30 urtetako igoerarik handiena izango du herritarren erosketa saskiak
Energiaren garestitzearen ondorioz KPIa (Kontsumorako Prezioen Indizea) %5,5 igo da Espainiako Estatuan, eta Hego Euskal Herrian ere halako zerbait igoko dela iragartzen du datu horrek.
Argindarraren edo erregaien igoera ez da soilik elektrizitate-enpresaren fakturan edo gasolindegietan sumatuko, eredu ekonomiko hiperrazeleratu honen oinarria erauzketa bidez lorturiko energia izanik, eguneroko bizitzako gainerako gauzetan ere eragingo du, erosketa saskia kasu.
Espainiako Estatuko INE estatistika institutuak ostegun honetan eman duen datuari arretaz eta kezkaz begiratu diote aditu askok: aurtengo urrian iazkoan baino %5,5 garestiago daude oinarrizko produktuak, KPI indizearen arabera, azken 29 urtetako igoerarik hadiena. Inflazio orokor hori bi puntu igo da abuztaz geroztik, eta nahiz eta energia albo batera utziz gero beste produktuen igoera hainbestekoa ez izan (%1,4), oso kontuan hartzekoa da azpiko inflazio hori ere, apirilean zero baitzen.
Hego Euskal Herrian oraindik ez dakigu urriko datua zein izango den, baina irailekoa jadanik %4tik gora zegoen, eta ezustekorik ezean, hurrengo igoerak bat egingo du estatukoarekin, hau da, %5etik gorakoa izango da. Hala ere, Pedro Azpiazu Eusko Jaurlaritzako Ekonomia sailburuak "zuhurtzia" eskatu eta "lasaitasunerako" deia egin du. Sailburuak EiTBri adierazi dionez ez dituzte aurreikuspen ekonomikoak aldatuko.
Hilabete amaierara iristeko zailtasunak dituzten herritarrek, ordea, lasaitasunerako motibo gutxi izan dezakete, erosahalmena %5 baino gehiago murriztuko zaiela jakinda –are gutxiago araututako lan-merkatutik kanpo dauden langile prekarizatuek–. Enpresetan eta kaleetan gatazkarako erregaia isuri da negoziazio mahai gainera, galera hori euren soldata eta pentsioen bidez betikoek ordaintzen amaitu dezatela baita zenbaiten asmoa: Espainiako Bankuko gobernadore Pablo Hernández de Cosek jadanik eskatu du ez daitezela gastuen partidak KPIaren arabera igo.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Field Guide to the Patchy Anthropocene: The New Nature (Adabakien Antropozenoen gida-liburua: Natura berria) liburua frantseseraturik, Atlantikoaren alde honetan dugu Anna Tsing antropologo amerikarra uda hastapen honetan. Antropozenoari –gizakion jarduerengatik Lurrean... [+]
Uda giroan Baxenabarre eta Zuberoa gainetan egonen denak kausituko ditu ardi, behi zein zaldiak bere inguruan. Ehunka direlako maiatz-ekainean behealdeko etxaldeak hustu eta kabalak bortura igortzen dabiltzan laborariak. Artzainen artean ere, uda bortuko etxolan pasako duenik... [+]
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
Auzitegi Gorena 2018an hasi zen ikertzen 2002 eta 2010 artean Kolonbiako presidente izan zena, hainbat paramilitarri ordainketak egiteagatik. 2020an 67 eguneko etxeko atxiloaldia bete zuen auzi berarengatik, eta orain Bogotako Auzitegi Nagusiak ebatziko du Kolonbiako lehen... [+]
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]