"Oztopo burokratikoak eta poliziaren gehiegikeriak" jasan ditu atxiloaldian, baina aske utzi dute jada. "Etxegabetzeak eta deportazioak amaitzeko", autodefentsa sozialista antolatzera deitu du Etxebizitza Sindikatuak.
Astelehenean atxilotu zuen Gasteizko (Araba) Etxebizitza Sindikatuko kide bat Espainiako Poliziak, autobus geltokian. Bere aurkako deportazio-espediente bat zegoen indarrean, eta Atzerritartasun Bulegora eraman zuten atxilo. Etxebizitza Sindikatuak deituta, astelehen iluntzean protesta bat izan zen Atzerritartasun Bulegoaren aurrean, kidearen berehalako askatasuna exijitzeko. Horren ondoren ere lanean jarraitu zuen sindikatuak, jatorri marokoarreko kidea aske gera zedin.
Etxegabetze bati aurre egiteagatik atxilotu zuten gaztea 2021ean, eta horren harira jarri zuten martxan bere kontrako deportazio-prozedura. "Batzuentzat etxegabetze bat gelditzea isun ekonomikoa izan daiteke, eta beste batzuentzat, berriz, estatutik kanporatzea" salatu zuen Etxebizitza Sindikatuak astelehenean. "Proletario etorkinentzat oraindik eta zailagoa da beren bizi-baldintzak defendatzea eta antolatzea", gaineratu zuen.
Aske asteazkenetik
Polizia-indarrek atzo iluntzera arte eduki zuten gatibu deportatua izateko arriskuan zegoen pertsona. Etxebizitza Sindikatuak, dena den, gauean jakinarazi zuen kidea kalean zela jada, nahiz eta "oztopo burokratikoak eta poliziaren gehiegikeriak" jasan behar izan zituen atxiloaldian.
"Egoera hori ez da errealitate isolatu bat: ehunka pertsona migratzailek bizi dute gure hirian", nabarmendu zuten berriz sindikatuko kideek. Bestalde, "etxegabetzeekin eta deportazioekin amaitzeko", autodefentsa sozialista antolatzera deitu zuten.
Iruñeko Udalaren aginduz, Poliziak iazko azaroan hustu zuen Jarautako blokea, hainbat egunez hura setiatu ostean. Bloke Sozialistan zirenei elkartasuna adieraztera joan ziren bost pertsona salatu zituen UPNk, eta salaketak mantentzea erabaki dute EH Bilduk, Geroa Baik... [+]
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]