Emakumeak borrokan

Antifaxismoa jazarria Bartzelonan: sei atxilotu gehiago VOXen kontrako elkarretaratzean izandako istiluengatik

  • Martxoaren 30ean VOX alderdi ultraeskuindarrak Bartzelonan elkarretaratze batera deitu zuen; horren aurka, Kataluniako hainbat eragile politiko eta antifaxistek kontramanifestaziora deitu zuten. Egun hartan Mossoek eginiko kargetan hainbat atxilotu izan ziren, baina egunotan beste lagun batzuk atxilotu dituzte.

I˝aut Gonzalez de Matauko @inautogdm
2019ko ekainaren 13a
Kontzentraziora deitzeko cartella. Argazkia: @LibertadRut

Detenidas 30M ¡Absolución! martxoak 30eko atxilotuen laguntzarako plataformak asteazken goizean kide batzuk atxilotuak izaten ari zirela salatu zuen. Egunaren amaieran bost atxilotu izan zirela adierazi zuten sare sozialen bidez, baina gaur goizean pertsona bat gehiago atxilotu dutela zabaldu dute berriz. Atzo eta gaurko gertaerekin, hamasei dira guztira polizia-operazio honetan atxilotuak izan diren manifestariak.

Elnacional.cat hedabideak asteazken goizean martxoak 30eko istiluen harira Mossoek bi pertsona atxilotu zituztela zabaldu zuen, baina hortik gutxira beste eragile batzuek, Arran eta CDR Catalunya tarteko, jada bost atxilotu zirela berretsi zuten. Gaur, baina, goizeko 11:40tan beste pertsona bat atxilotu dutela salatu dute.

“Delitu bat: antifaxismoa”

Atxilotuen laguntzarako plataformak salbuespen-egoera dela salatu du, operazio hau adierazpen-askatasunaren aurkako eraso zuzentzat joaz. “Hamasei atxilotu, delitu bat: antifaxista izatea” leloarekin deitu dute jendea mobilizatzera, eta gaur goizeko 12:30etan Bartzelonako Justizia Hirian kontzentrazioa egingo dute. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
EGILEA
Eguneraketa berriak daude