Animalien askapenaren alde ehunka lagun atera dira kalera

  • Euskal Herriko mugimendu antiespezistak manifestazioa egin du astelehenean. Ehunka lagun elkartu dira Bilbon gizakiz besteko animaliak zapaldutako subjektu gisa aitortuak izan daitezen eskatzeko.

Argazki guztiak: Nor taldea

2021eko azaroaren 02an - 08:15
Azken eguneraketa: 09:22

Ehunka lagun batu dira asteleheneanBilbon mugimendu antiespezistaren deialdiari erantzunez. Protesta Moyua plazatik atera da, eta Alde Zaharreko karrikak zeharkatu eta gero, Areatzan amaitu da. Gizakiz besteko "animalien erresistentzia" erdigunean jarri nahi izan dute antolatzaileek. "Bada garaia gizakion eta gainerako animalien arteko egungo botere harremana iraultzeko, gizakiz besteko animaliak zapaldutako subjektu gisa aitortzekoa", aldarrikatu du Nor taldeko eledun Maialen Saguesek. Zapalkuntza ororen aurka egiteko beharra azpimarratu dute eta, burujabetzaren bidean inor inoren menpe hartu gabe lanean jarraitzeko dei egiten dute.

"Euskal Herrian dugu Europako behi haztegirik handiena, Nafarroan. Caparrosoko makroetxaldeak milaka animalia zapaltzen ditu espazio berean, baina toki gehiago izan arren, ez dira libreagoak Ultzaman edo Baztanen esplotatzen dituztenak. Jabe bat duen inor ez baita libre", gogorarazi du Nor taldeko bozeramaileak.

Kritika gogorra egin dio mugimendu antiespezistak Bizkaian, Araban eta Gipuzkoan EAJk eta PSEk aurkeztu duten animalien babeserako legeari. "Iruzur hutsa da, testuinguru espezista batean sortua, etxeko bilakatutako animaliak besterik ez dituelako kontuan hartzen. Gizakiz besteko animalien interesak bigarren edo hirugarren mailakoak dira beti", adierazi du Sagues-ek.


Azkenak
Gorputz hotsak
"Literatura izan da tristezia ulertzen lagundu didana"

Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]


ETBk 40 urte
Ardatz bertikala, erabakien adierazle

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]


GNL: Louisianako zingiretan jokoan dira munduko klima eta osasuna

Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]


"Sionistek palestinarrak erreserba batzuetan edo beren lurretatik kanpo nahi dituzte"

Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]


"Eskolan ortu xume bat lantzeak testuingurua ematen digu planetan ditugun arazoez aritzeko"

Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]


Eguneraketa berriak daude