2014ko urtean, gizona gizon!

  • 2014ko urteak ideki berri dauzkigu besoak luze ta zabal. Hamalauko urtalde hori aipatzearekin, 1914ko gudu bortitz haren oroitzapen itsusia heldu zaigu gogorat. Miliunka gizon joan omen ziren gerlarat, hainbeste hil zirela, eta bestek infernu gorria gainditu ba zuten, osagarria betikotz ahuldua sartu ziren.


2014ko urtarrilaren 17an - 00:00
Azken eguneraketa: 2015-02-26 13:37:33
1914-1918 gerran hilen oroitarria Baionan. (Argazkia: Colifret / DelCampe.net)

Gudu horrek hustu zituen gure etxaldeak, gure auzoak eta gure herrialdeak. Herrixka bakotxak hor dauzka lekuko itzuli ez ziren guzien izen zerrendak.

Ehun urte joan dira geroztik. Dena aldatu da, itxuraz bederen. Alemania ez da gehiago etsaia, askorentzat eredu edo modeloa baizik. Baliteke hor berean bi gogoeten gaia. Eguberri bezperan bi herritarrekin egin solasak dauzkat berehala hementxe aipagai. Banenkien Frantziako lurralde batzuetan, hiri bazter handietan bezala, jendea kanpotik etorri langilei aiher zela, kolore guzietako etorkinak omen direlakotz neke eta gaitz guzien iturria eta arrazoina ! Orduan eta hor ohartu naiz gure alderdian ere askok molde berean pentsatzen dutela, eta ahoan bilorik gabe aitortzen dutela menturaz orainarte ixilean zaukatena: kanpotik jinek dute jaten gure ogia! Irakurleak badaki ez dela gure alderdian kanpotiar ainitzik, eta futxo ekonomiaren eta jendartearen nekealdiaren hobendunak kausitu behar dira. Etorkinak izanen dira hobendun lehenak, eta berehala ondotik lanik kausitu gabe gutieneko laguntzez bizitzen diren herritarrak berak!

Aitzinarik ez da hemen Fernand Reynaudren umorezko antzerki hura aipatzeko : herri koxkor batean ordukotz jendea arrangura etorkinak jaten zuela frantsesen ogia, eta entzutearen bortxaz joan egin baitzen etorkina. Ogirik gabe gelditu zen herri hura, okina baitzen hango etorkina.

Ilunegia liteke hamalauko gudu bezperarekin parekatzeko oraingo giroa. Alta gerla asmoak ez ote dira horrela hazten eta pizten, hobendunak eta etsaiak erakusten direnean? Gauden baikor eta airos. Bada gure herrialdetan oraino emazte ta gizon frango, sinetsi nahi dutenak gizona gizon dela, izanik larrua xuri ala beltz, izanik aberats ala praube. 2014ko urteak ekar dakigula diztira berria zuzentasunari, elkartasunari, maitasunari.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude