KOMUNIKAZIOA SARITU DA

Eguerdiko ordubiak baino lehenago hasi ziren gonbidatuak hurbiltzen Lasarte-Oriako Txitxardin Beltxa jatetxera. Laxaro Azkune Herri Irratiko esatariak heldu eta segituan esan zuen moduan: «Aurtengoak ez du iazkoaren antzik. Iaz sekulako euri jasa bota zuen.» Eguraldi eguzkitsua eta haize epelaren laguntzarekin 140tik gora gonbidatuk bazkal aurreko mokadutxoari heldu zion.

Behin bazkaritarako eserita Joxe Mari Irazusta Komunikazio Biziagoa enpresako lehendakariak ongi etorria eman zien gonbidatuei. Postrea mahaian zela sariak banatzeko ordua iritsi zela ohartarazi ziguten eta Ixabel Bereziartuak Administrazio Kontseiluaren izenean azken hilabeteoan «Gara»ko eta «Euskaldunon Egunkaria»ko zuzendariek eta Ttipi Ttapako kazetari batek eta «Ekaitza»k jasandako erasoak gogorarazi zituen eta hainbat komunikabidetako ordezkariek jasandako atentatuak direla-eta elkartasuna adierazi zien.

Ondoren, begiak zabal-zabal egindako 142 gonbidatuak saridunak zein ziren jakiteko prest ziren. Sei sari banatu ziren: Irratia Saria, Pantzo Hirigarayrentzat, Publizitatea Saria BBKrentzat, Telebista Saria Anjel Alkainentzat, Prentsa idatzia Saria «Goienkaria»rentzat, SAREKO ARGIA Saria, Zientzia.net-entzat eta Merezimenduzko Saria Bertsozale Elkartearentzat. Sei saridunei Antton Mendizabal eskultoreak egindako sari sinbolikoak eman zitzaizkien. Imanol Lazkanok jaso zuen Bertsozale Elkartearen izenean eskainitako saria eta hunkituta, nola ez, bertso bat abestuz amaitu zuen 2002ko Argia Sarien banaketa. Batzuk oraindik laranjazko izozkia jaten ari zirela eta besteak jada kafea zurrutaka edaten ari zirela, gonbidatu berezi batek mahaitik haserre altxa eta zazpigarren saria banatu gabe geratu zela gogorarazi zigun. Xexilio zen, Aita Iturbe, Athleticeko kapelaua. Gonbidatuen berriketak barre bihurtu ziren hortik aurrera Ramon Irizar, «Elvi» sabelhiztunaren eskutik


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude