Ezkontzeko Gogorik Ez Al Dezu Izan, Ala? Ezkondu?

1963ko maiatzaren 26an

44 urteko "neska zahar" bati elkarrizketa.

Euskalerriari gazte zaarrak gero ta geiago ote ditugun kezka daukat

Euskal-erriko etxe zabal berri batean. Lenbiziko pisuan iru neska zar ta mutil zar bat. Gaztenak irurogei ta amalau urte. Bigarren pisuan iru mutil zar ta neska zar bat. Irurogeita bi urte gaztenak. Irugarren pisuan, neska zar bat. Berrogoi ta lau urte, Emakume onekin alkar-izketa au izan nuan:

Bakarrik bizi al zera etxe aundi ta dotore ontan?

Bakar bakarrik, Jauna.

Etxe au zurea al da?

Iya nerea da. Baditut gañera beste iru baserri.

Ezkontzeko gogorik ez al dezu izan ala?

Ezkondu? Ezkontzea txorakeri aundi bat da. Zertarako ezkontzen dala uste dezu jendia? Ezkon-gai jator bat billatzeko zuk uste dezu leku egogiak dirala, Ernani, Errenderi edo dantza egiten dan saloia?

Mutillik ez al dezu ezagutu?

Ezagutu ezpanitu obe. Batekin lau urte ibilli nintzan. Eztaietara deitu zidaten, nere senar-gaiaren etxekoak. Ni bezelaxe, beste iru neska agertu ziran. Aiek ere, nere senar-gaiaren adre-gaiak ziran. Biotzkada garratz ura pitin bat aztu zitzaidanean, beste mutil bat ezagutu nuan. Jatorra benetan. Nola maite niñun! Etzidan beiñere ezkontzeko asmorik agertzen. Nik laister ogeita amar urte egiten eta adierazi nion nere gogoa. Arek, eskuan musu luze bero bat emanaz esan zidan: Bai, zeozer pentsatzen asi bearko degu. Gero jakin nuan ezkonduta zegola.

Ta orain?

Orain? Ementxe bizi naiz, iya kalera ateratzeko gogorik ez dedala. Irakurtzeko ta mikrosurko jotzeko zaletasun aundia daukat. Orrela ederki bizi naiz nere bakardadean. Udaran amazazpi urteko mutiltxo bat etortzen zait. Udarako egun geienak nere ondoan egoten da. Nere liburuak asko gustatzen zizaizkio. Eguberrik ezkero alkarri astero eskutitz bat egiten diogu. Bere ama baño geiago maite naula esaten dit. Bein examinak bukatu ezkero emen izango da. Aspaldi zai nago.

"Mutilzarra","neskazarra". Askok, itz oek entzutean parre egiten dute. Eta negar egin bear luteke. Zaartzaroa, bere garaian, gauza aundia da. Baña zaarra, beti gauza errukarria. Batez ere gaztetan. Bada gazte gaztetan zaarrak arkitzen dira. Euskal-errian alako gazte zaarrak gero ta geiago ote ditugun kezka daukat. Igande arratsalde osoa taberna zokoan edan da edan ari dan gaztea zaarra da. Buruauste ta korapilloak moskorrakin estaltzen dituan gaztea zarra da. Neska bati bear bezela itzegiteko gauza ez dan mutilla zarra da. Lotsa ta bildurrez ezkontzeko bidean jartzen ez dan gizasemea zarra da. Diruari edo gurasoen erentziyari bakarrik begiratzen dion gaztea zarra da. Iya erdi bersolari bezela mutil zar edo neskazarrez jolaslari ari dan gaztea zarra da.
Biotzeko bakardadea gauza garratza da. Bakardade ori derriorrean sortu bada, iya ezin eramana. Eta zenbat bakarde gure baserri eta errietan. Nola gauza oiek eztitu, aztunak arindu, zarrak gaztetu ? Danok examin zorrotza egin dezagun, sustraiak azaldu, bideak adierazi ta al dan bezela, bakoitzak bere laguntza eskeini dezala.

Bidani'tar Ladislao

Egileez\BIDANI1\Gizartea
Gaiez\Gizartea\Besteak

Irakurrienak

Matomo erabiliz

Lagunak, adiskideak eta beste hainbat etsai

Gorka Bereziartua

Nola landu desirak, aniztasun sexuala edota identitatea 12-18 urteko ikasleekin?

Mikel Garcia Idiakez

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

Manifestazio eta aldarri ugari Maiatzaren Lehenerako

Gorka Peñagarikano Goikoetxea

2x11: Odei Barroso | Erabakiak hartzea

ARGIA

Azkenak

2024-05-01 | Bizi Baratzea | ARGIA

2x16: Zomorroak I Iñaki Mezquita Aranburu (Aranzadi)

MULTIMEDIA - Egonarria

2024-04-30 | ARGIA

Netanyahuk dio Rafah inbadituko dutela su-eten akordioa "egon zein ez egon”

34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.

2024-04-30 | Zigor Olabarria Oleaga

Netanyahuk dio Rafah inbadituko dutela su-eten akordioa "egon zein ez egon”

Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]

2024-04-30 | ARGIA

Hil egin da Artzentalesen zauritu zen basogintzako langilea

Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.

2024-04-30 | ARGIA

Eneko Bidegainen 'Bichta éder' eleberriak jaso du 111 Akademiaren Saria

Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.

Eguneraketa berriak daude