Protestak Ipar Euskal Herriko eskola publikoetan, irakasle murrizketagatik
Ipar Euskal Herriko eskola publikoetako gurasoak protestan ari dira Lapurdin eta Zuberoan, irakasle postu berririk sortuko ez dela salatzeko. Paueko Akademia Ikuskaritza irakaskuntzako sindikatuekin bildu zen atzo, lanpostuak finkatzen dituen Eskola Kartaren nondik norakoak zehazteko; baina Ikuskaritzak, Philipe Couturaud buru, aurretik jarriak zituen neurriak aldatuko ez direla esaten amaitu du.
SNUIPP sindikatua da protestaren buru. Ikuskaritzaren neurriekin sare elebiduna kalteturik aterako dela salatu du sindikatuak. “Ikuskariak egiten duen proposamenaren arabera, galtzaile handiak ama eskolak izango dira”, esan du atzoko bileran parte hartu zuen Mathilde Blanchard SNUIPP-eko kideak. Pierrette Formet beste kide batek adierazi duenez, Ipar Euskal Herrian postu bat eta laurden galduko lirateke neurri honekin, azkeneko bederatzi urteetan departamentuak galdu dituen 141 irakasleei gehitu beharreko kopurua.
Neurriak eragingo dituen kalteak direla eta, hainbat protesta zabaldu dira dagoeneko Ipar Euskal Herriko zenbait lekutan. Mauleko Basse Ville eta Chéraute eskolak okupatu zituzten atzo bertara seme-alabak bidaltzen zituzten guraso batzuek, Sud Ouest-ek jaso duenez. Baionan, bestalde, Jean-Moulin eskolako gurasoek ere eskola okupatu dute gaur goizean, Kazeta.info-ren arabera. Sohütan ere okupazioak egon dira, besteak beste.
Ostegunean, guraso elkarteek osatzen duten batzordea ikuskariarekin bilduko da berriz ere. Bitartean, Eskola Karta berria salatzeko elkarretaratzea deitu dute Paueko Prefeturaren aurrean.
Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.
Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
