Pablo Gorostiaga aske geratu da
zortzi urteren ondoren
Igandean geratu da aske Pablo Gorostiaga Auzitegi Nazionalak 2007an espetxean sartu ondoren. Egin egunkariko administrazio kontseiluko kidea zen eta 18/98 makrosumarioarengatik egon da preso zortzi urtez.
Laudioko ehunka bizilagunek harrera egin diote igande iluntzean herrira iristean. Laudioko alkate ohia da Gorostiaga, hiru legealditan izan da alkate ezker abertzalearekin aurkeztuta.
73 urterekin irten da espetxetik Gorostiaga, kondena osorik bete ostean. Aiaraldea komunikabideak jaso duenaren arabera, Espainiako legediaren arabera 70 urtetik gorako presoek baldintzapeko askatasuna eskuratu dezakete baina Gorostiagari ukatu egin zaio eskubide hori.
Gorostiagaren emaztea hilzorian zegoela ere bisita egiteko baimena eskatu zuten senideek 2013an. Gorostiagak ezin izan zuen bikotea agurtu, baimena eman eta hainbat egunetara gerturatu baitzuten espetxeko arduradunek.
Urquijok pregoilari izatea debekatu zion
2013ko Laudioko jaietako pregoilari izateko aukeratu zuten Pablo Gorostiaga herriko jai batzordekoek bozketa publiko bidez. Laudiarra den Espainiako Gobernuaren EAEko ordezkari Carlos Urquijok salatu egin zuen izendapena, “terrorismoa goraipatu zitekela” argudiatuz. Epaitegiek debekatu egin zuten Gorostiaga pregoilari izatea.
Informazio gehiago:
Irakurri 2013an, Judith Uriarte Pablo Gorostiagaren emaztea hil zenean eta honi hau bisitatzea galarazi ziotenean Pello Zubiriak idatitako artikulua.
1998ra arte izan zen zuzendaria Egin egunkarian, Baltasar Garzonek ixteko agindua eman zuen arte. Zazpi urteko espetxealdia bete zuen Burgosko kartzelan, 2015 aske geratu zen. 73 urterekin hil da Donostiako bere etxean, azken hilabeteetan pairatu duen gaixotasun baten ondorioz.
Pepe Rei kazetaria 73 urterekin hil da, astearte honetan, Donostian. Egin egunkariko ikerketa taldea martxan jarri eta Ardi Beltza aldizkaria sortu zuen, besteak beste. Euskal Herriko eta Espainiako estolderia politikoez, gerra zikinak ustelkeriarekin eta narkotrafikoarekin zuen... [+]
Astelehen honetan 21 urte betetzen dira Aznarrek Egin egunkaria indarrez itxi zuenetik. 1998ko uztailaren 15eko goizean Baltasar Garzón epaileak Egin egunkaria eta irratia ixtea agindu zuen, eta zuzendaritzako zein administrazio-kontseiluko hainbat kide atxilotu zituzten.
Iragan larunbatean zendu zen Isidro Murga. Gaur arratsaldean omenaldi jendetsua egin diote Egin egunkariko sustatzaile eta herri mugimendu ugaritako kidea izan zenari. Laudioko Lamuza parkean egin dute ekitaldia, eta ehunka herritar bertaratu dira zitara, gizarte eta politika... [+]
“Goizero-goizero amosal bonba txiki batek, 50 bat gramokoa, eztanda egiten du Euskadin: Egin egunkaria”. Hala zioen Eusko Jaurlaritzako Barne Sailburu Juan Mari Atutxak 1996an, gaur egun arte luzatu den ‘Dena da ETA’ teoriari ateak irekiz.